دۇنيەجۇزىلىك بانك: قازاقستان - الەمدە ەڭ كوپ رەفورما جۇرگىزگەن ەل
وندا ورتالىق ازيا وڭىرىندە بيزنەس جۇرگىزۋدىڭ قولايلىلىق دەڭگەيى كورسەتىلگەن.
بايانداماعا سايكەس، قازاقستان، قىرعىزستان، تاجىكستان جانە وزبەكستان ءار ءتۇرلى سالادا بارلىعى 14 رەفورما جۇرگىزگەن.
«قازاقستان وتكەن جىلى ورتالىق ازيا ءوڭىرى عانا ەمەس، بۇكىل الەم بويىنشا ەڭ كوپ رەفورما جۇرگىزگەن ەل بولدى. مىسالى، جاڭا كاسىپورىنداردى، جەكە مۇلىكتەردى تىركەۋ، قۇرىلىس سالۋعا رۇقسات الۋ، نەسيە الۋ، مينوريتارلىق مۇددەلەردى قورعاۋ، كەلىسىم- شارتتاردىڭ ورىندالۋىن قامتاماسىز ەتۋ جانە تولەم قابىلەتسىزدىگى ماسەلەسىنە قاتىستى رەفورمالاردى ايتۋعا بولادى»، - دەدى ا ق ش- تان جۇرگىزىلگەن بەينەكونفەرەنسيا بارىسىندا توپ مۇشەسى ۆالەنتينا سالتان.
عالامدىق رەيتينگتە قازاقستان 12 ساتىعا كوتەرىلىپ، 41- ورىندى يەلەندى. ال تاجىكستان 132- ورىنعا، وزبەكستان بولسا - 87- ورىنعا تۇراقتادى.
«ورتالىق ازيا ەلدەرى بيزنەس سالاسىن رەتتەۋگە قاتىستى نورماتيۆتەردى جۇزەگە اسىرۋعا جۇرتشىلىقتى بەلسەندى تۇردە تارتۋ قاجەت»، - دەدى دۇنيەجۇزىلىك بانكتىڭ ورتالىق ازيا بويىنشا وڭىرلىك ديرەكتورى ساروج كۋمار دجا.
ول سونىمەن قاتار، قازاقستانعا ينۆەستيتسيا تارتۋدا ءبىرىنشى كەزەكتە كەدەرگى بولاتىن قۇقىقتىق ۇدەرىستەردى رەتتەۋ كەرەكتىگىن ايتتى. ونىڭ پىكىرىنشە، ءوڭىردى دامىتۋدا سوت جۇيەسىن جاقسارتۋ - ماڭىزدى ءرول اتقارادى.
اۆتور: جاپپاربەرگەن ايبوتا
