الماتىدا ۇشاق بورتىندا اقشا ۇرلاماق بولعان قىتاي ازاماتى ۇستالدى

الماتى. قازاقپارات - الماتىدا ۇشاق بورتىندا اقشا ۇرلاماق بولعان قىتاي ازاماتى ۇستالدى.

بۇل تۋرالى قالالىق سوتتىڭ باسپا ءسوز قىزمەتى حابارلادى.

ءىس ماتەريالدارىنا سايكەس، ق ح ر ازاماتى راۋ جوڭ جاۋ «ەير استانا» رەيسىمەن «موسكۆا- الماتى- پەكين» باعىتىندا ۇشىپ بارا جاتقان. «بويڭ-757» اۋە كولىگىندە جولاۋشىلاپ كەلە جاتىپ، تۇنگى ساعات 23:50 دە قاسىنداعى ساپارلاستارىنىڭ ءبىرىنىڭ قول پورتفەلىنەن 280000 تەڭگە كولەمىندە اقشا ۇرلاعان.

جۇرگىزىلگەن جەدەل تەكسەرۋ شارالارىنىڭ ناتيجەسىندە قىتاي ازاماتى كۇدىكتى رەتىندە ۇستالىپ، الماتى اۋەجايىنداعى جەلىلىك ىشكى ىستەر باسقارماسىنا جەتكىزىلدى.

ءتىنتۋ بارىسىندا پوليتسەيلەر ونىڭ قالتاسىنان اتالعان كولەمدەگى اقشانى تاپتى.

تۇركسىب اۋداندىق سوتى ق ح ر ازاماتى راۋ جوڭ جاۋدى ق ر ق ك 188-بابى بويىنشا قىلمىس جاسادى دەگەن كۇدىكپەن قاماۋعا الۋ تۋرالى شەشىم شىعاردى.

اۆتور: گۇلميرا عوسمانالي