اقتاۋدا مەكتەپ قوڭىراۋىن قازاق كۇيلەرىمەن الماستىرۋ ۇسىنىلدى
سونىمەن قاتار، مەكتەپ باعدارلاماسىنا ارت-تەراپيانى ەنگىزۋ تۋرالى ۇسىنىس ايتىلدى. پسيحولوگ ازامات حاسەن مۇعالىمدەر ەموتسيونالدىق قيىندىقتارعا تاپ بولماۋى ءۇشىن ولارعا ارناپ، رەلاكساتسيا بولمەسىن اشۋ كەرەكتىگىن ايتتى.
ماماندار مەكتەپ مۇعالىمدەرى مەن پسيحولوگتارىن جاسوسپىرىمدەردىڭ سۋيتسيد جاعدايلارىنا بايلانىستى وقىتۋ كەرەك ەكەنىن اتاپ ءوتتى. ناقتىراق ايتقاندا، ولار سۋيتسيد جاساعىسى كەلەتىن جاسوسپىرىمدەردى انىقتاي الۋى كەرەك ەكەن. بۇل قايعىلى وقيعادان بۇرىن شارا قولدانۋعا مۇمكىندىك بەرەدى. سۋيتسيدتىڭ الدىن الۋ ءۇشىن اقتاۋدا پسيحولوگيالىق كەڭەس بەرىلەتىن بولمەنىڭ اشىلعانى حابارلانىپ وتىر.
مۇنىمەن قاتار، "ۆكونتاكتە"، Facebook الەۋمەتتىك جەلىلەرىندە ينتەرنەت-پاراقشالاردىڭ اشىلعانى ايتىلادى. ماڭعىستاۋلىقتارعا ارنالعان پسيحولوگيالىق كومەك رەسمي سايتى دا اشىلىپتى - Help-ray.kz. مۇندا ءاربىر ادام ءوزىنىڭ پروبلەماسى جايلى ايتىپ بەرە الادى جانە پسيحولوگتىڭ كەڭەسىن الا الادى.
