استانادا «شابىت» حالىقارالىق جاستار شىعارماشىلىعى فەستيۆالى اشىلادى
دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.
بايقاۋ وتكىزىلە باستاعاننان بەرى جاس تالانتتاردى انىقتاۋعا باعىتتالعان مادەني جانە مۋزىكالىق فورۋمعا، تىلدەسۋ الاڭىنا اينالىپ ۇلگەردى.
جىل سايىنعى بۇل شارا ەلىمىزدىڭ جۇزدەگەن قاتىسۋشىلارىنان بولەك، شەتەلدەن كەلگەن ازاماتتاردى جينايدى. بيىلعى جىلعى شاراعا 388 ادام قاتىسادى، ونىڭ ىشىندە 246-سى - رەسەي، وزبەكستان، قىرعىزستان، قىتاي ەلدەرىنىڭ قاتىسۋشىلارى.
«شابىت» اۋقىمدى جوبا بولىپ تابىلادى. اعىمداعى جىلى ۇيىمداستىرۋشىلار العاش رەت بايقاۋ باعدارلاماسىنا سپورتتىق بال ءبيىن قوستى. بۇل جانردا 14 ۇزدىك جۇپ ونەرلەرىن كورسەتە الادى.
- بايقاۋعا شەتەل مەملەكەتتەرىنىڭ جاس ارتىستەرىنىڭ قاتىسۋعا نيەت ءبىلدىرۋى ارتا تۇسۋدە. بيىلعى جىلى «بال ءبيى» نوميناتسياسىنان بولەك، «حالىق مۋزىكاسى» («دومبىرا» جانە دومبىرامەن ءان سالۋ» )، «بەينەلەۋ ونەرى» («ءمۇسىن» جانە «ساندىك قولدانبالى ونەر» )، «كلاسسيكالىق مۋزىكا»: «اكادەميالىق ءان»، «سكريپكا»، «الت، ۆيولونچەل، كونتراباس»، «فورتەپيانو»، سونداي- اق «سيرك ونەرى» نوميناتسياسى ەنگىزىلدى، بۇل اتالىمعا «كلوۋنادا» مەن «اكروباتيكا» كىرەدى. بايقاۋعا قاتىسۋشىلار سانى ارتقان سوڭ فەستيۆالدىڭ قازىلار قۇرامىنىڭ سانى دا ارتتى، - دەدى استانا قالاسى مادەنيەت باسقارمانىڭ باسشىسى بولات ماجاعۇلوۆ.
قازاقستان، گەرمانيا، يتاليا، يزرايل، قىتاي، رەسەي، وزبەكستان ەلدەرىنىڭ الەمگە تانىمال ارتىستەرى بايقاۋ كەزىندە قاتىسۋشىلاردىڭ شەبەرلىگىن باعالايدى.
ءتۇرلى نوميناتسيا بويىنشا قازىلار قۇرامىن قازاق ك س ر حالىق ءارتىسى، ق ر مەملەكەتتىك سىيلىعىنىڭ لاۋرەاتى، پروفەسسور قايرات بايبوسىنوۆ، قازاقستان رەسپۋبليكاسىنىڭ ەڭبەك سىڭىرگەن قايراتكەرى، مەملەكەتتىك اكادەميالىق فيلارمونياسى قازاق حالىق اسپاپتار وركەسترىنىڭ باس ديريجەرى جانە كوركەمدىك جەتەكشىسى ايتقالي جايىموۆ، سۋرەتشى، ديزاينەر، مادەنيەت سالاسىنىڭ ۇزدىگى اسەل ءومىرشينا، ق ر ەڭبەك سىڭىرگەن قايراتكەرى، «استانا سيركى» م ك ق ك باس ديرەكتورى ەرىك جولجاقسىنوۆ، قازاق ۇلتتىق ونەر ۋنيۆەرسيتەتىنىڭ رەكتورى، پروفەسسور ايمان مۇساقوجايەۆا باسقارادى.
ايتا كەتەيىك، «شابىت-2015» فەستيۆالىنىڭ سالتاناتتى اشىلۋى «كونگرەسس- حولل» سارايىندا 3 - قاراشا كۇنى ساعات 19:00-دە وتەدى.
