ق ر مەملەكەتتىك حاتشىسى ۇلتتىق مۋزەيدەگى اسىل مەتالدار قورىمەن تانىستى
بۇل تۋرالى بۇگىن استانادا «قازاقپارات» اگەنتتىگىنە بەرگەن سۇحباتىندا ق ر ۇلتتىق مۋزەيى ديرەكتورىنىڭ قور قىزمەتى بويىنشا ورىنباسارى اباي ساتىبالدين ءمالىم ەتتى.
«بۇگىن ءبىز ق ر مەملەكەتتىك حاتشىسىنا اسىل مەتالدار قورىن كورسەتتىك. وندا كۇمىستەن جاسالعان 4 مىڭنان استام جادىگەرلىك بۇيىمدار بار، ياعني وسىندا قازاقتار مەن ورتالىق ازيا حالىقتارىنىڭ اشەكەيلەرى جيناقتالعان. سونىمەن قاتار قوردا 40 مىڭنان استام التىن بۇيىمدار بار. وسىندا نەگىزىنەن ەجەلگى ساقتار مادەنيەتىنىڭ زاتتارى، ساق قورعاندارىنان تابىلعان دۇنيەلەر ساقتالۋدا. بۇدان بولەك، بىزدە پاۆلودار، وڭتۇستىك قازاقستان، جامبىل وبلىستارى اۋماعىندا سوڭعى بەس جىلدا ارحەولوگيالىق قازبا جۇمىستارى كەزىندە تابىلعان قولا داۋىرىندەگى التىن بۇيىمدار بار»، - دەدى ا. ساتىبالدين.
ايتا كەتەيىك، بۇگىن مەملەكەتتىك حاتشى گۇلشارا ءابدىقالىقوۆا قازاقستان رەسپۋبليكاسى ۇلتتىق مۋزەيىنىڭ جۇمىسىمەن تانىستى.
ۇلتتىق مۋزەي - ورتا ازيا ايماعى بويىنشا تەڭدەسى جوق ەڭ ءىرى مۋزەي. ارحيتەكتۋرالىق ولشەممەن العاندا، مۋزەي عيماراتى الەمنىڭ ءىرى ەكسپوزيتسيالارى وندىعىنىڭ قاتارىندا تۇر. قازىرگى كەزدە مۋزەيدە 200 مىڭعا جۋىق ەكسپونات بار، ونىڭ 12840-ى ەكسپوزيتسيادا ورنالاستىرىلعان.
