ۇلتتىق مۋزەيگە قىتايدان «تەرراكوت اسكەرلەرى» اكەلىنەدى

استانا. قازاقپارات - قازاقستان مەن قىتايدىڭ مادەنيەت مينيسترلىكتەرى اراسىندا تاريح جانە مادەنيەت ەسكەرتكىشتەرىن ساقتاۋ، جاڭعىرتۋ جانە كونسەرۆاتسيالاۋ سالاسىنداعى ىنتىماقتاستىق تۋرالى مەموراندۋمعا قول قويىلدى دەپ حابارلايدى ق ر م س م باسپا ءسوز قىزمەتى.

وسى مەموراندۋمنىڭ نەگىزگى جەتىستىگى 2017-جىلى ەكسپو كورمەسى اياسىندا قازاقستان رەسپۋبليكاسىنىڭ ۇلتتىق مۋزەيىندە «تەرراكوت اسكەرلەرى» بىرەگەي كورمەسىن وتكىزۋ تۋرالى ۋاعدالاستىق بولىپ وتىر.

مەموراندۋمعا قىتايدىڭ تاريحي بەسىگى سانالاتىن شيان قالاسى شانشي پروۆينتسياسىنىڭ تاريحي قۇندىلىقتاردى قورعاۋ جونىندەگى زەرتتەۋ ينستيتۋتىندا قول قويىلدى.

«ءبىزدىڭ ەلدەر اراسىنداعى مادەني ىنتىماقتاستىق سالاسىنداعى بۇل كەلىسىم «ماڭگىلىك مۇرا» ۇلتتىق ستراتەگيالىق جوباسىن جانە الەمنىڭ دامىعان 30 ەلىنىڭ قاتارىنا كىرۋ جونىندەگى ۇلتتىق جوسپاردىڭ 100 قادامىن ىسكە اسىرۋدا ماڭىزدى كەزەڭ بولىپ تابىلادى» - دەپ اتاپ ءوتتى ق ر م س م مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا.

تاريح، مادەنيەت ەسكەرتكىشتەرىن ساقتاۋ، جاڭعىرتۋ جانە كونسەرۆاتسيالاۋ سالاسىندا، ءبىلىم سالاسىندا ىنتىماقتاستىق تۋرالى مەموراندۋمعا ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتى مەن ق ح ر مادەنيەت مينيسترلىگى شانشي تاريحي قۇندىلىقتارى دەپارتامەنتىنىڭ باسشىلارى قول قويدى.

ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا، ق ر ۇلتتىق مۋزەيى ديرەكتورىنىڭ ورىنباسارى جازيرا كۋلبايەۆا، رەستاۆراتسيا، ساقتاۋ جانە ارحەولوگيا سالاسىنىڭ وتاندىق جەتەكشى ماماندارى كىرگەن قازاقستاندىق دەلەگاتسيا رەسمي ساپار بارىسىندا قىتايدىڭ جەتەكشى مادەني نىسانداردا، اتاپ ايتقاندا شين اۋلەتى ءبىرىنشى يمپەراتورىنىڭ مۋزەيىندە، شانشي تاريحي مۋزەيى، شانشي پروۆينتسياسىندا ارحەولوگيا ينستيتۋتىندا، سۋار مۋزەيىندە بولىپ قايتتى.

Baq.kz