حالىقارالىق ىزدەۋدە جۇرگەن قىلمىسكەرلەر الماتىدان تابىلدى

الماتى. قازاقپارات - حالىقارالىق ىزدەۋدە جۇرگەن قىلمىسكەرلەر الماتى قالاسىندا ۇستالدى، دەپ حابارلايدى قالالىق ءى ءى د باسپا ءسوز قىزمەتىنەن.

الماتى قالالىق ءى ءى د ەسىرتكىگە كۇرەس جانە كريمينالدى پوليتسيا باسقارماسىنىڭ قىزمەتكەرلەرى 53 جاستاعى رەسەي ازاماتىن ۇستادى. 53 جاستاعى ەر ادام ر ف تاتارستان اۆتونوميالىق رەسپۋبليكاسىنىڭ ەلابۋج اۋدانىنىڭ تۋماسى بولىپ شىقتى.

ر ف ق ك 132- بابى بويىنشا (كۇشتەپ زورلىق كورسەتۋ) ايىپتالىپ كەلگەن ەر ادامعا قۇقىق قورعاۋ ورگاندارى قىركۇيەكتە حالىقارالىق ىزدەۋ جاريالاعان.

سونداي-اق المالى اۋدانىنىڭ ءى ءى ب وزبەكستان ەلىنىڭ 50 جاستاعى ازاماتىن ۇستادى. تاشكەنت م ءى ءى د حابارلاۋىنشا، ەر ادام ءوز ەلىندە اسا ءىرى كولەمدە قارجى جىمقىرعانى ءۇشىن ايىپتالىپ وتىر. ول بىرنەشە جىلدار بويى ىزدەۋدە جۇرگەن.

قالالىق پوليتسيانىڭ باسپا ءسوز قىزمەتى حابارلاعانداي، قازىر ەكەۋى دە ۋاقىتشا ۇستاۋ وقشاۋلاعىشىنا قامالدى. ىزدەۋ جاريالاعان قۇرىلىمدار ولاردىڭ ۇستالعانى جايلى حاباردار ەتىلدى.

اۆتور: گۇلميرا عوسمانالي