ا ق ش عالىمدارى جۇرەگىنە وتا جاساتقان ادامعا ەڭ كەرەگى نە ەكەنىن انىقتادى

استانا. قازاقپارات - ا ق ش- تىڭ ميچيگان ۋنيۆەرسيتەتى عالىمدارى جۇرگىزگەن زەرتتەۋ جۇمىسىنا كارديوحيرۋرگيا بولىمىندە ەم الىپ جاتقان 1576 پاتسيەنت قاتىستى.

زەرتتەۋ جۇرگىزىلگەن مەرزىمدە ولاردىڭ 65 پايزى نەكەدە، 12 پايىزى اجىراسقان، 21 پايىزى جەسىر، 2 پايىزى تۇرمىس قۇرماعان ەدى. عالىمدار قاتىسۋشىلاردان جۇرەك وتاسىنان كەيىن سۇراق-جاۋاپ الىپ، ءبىرشاما ۋاقىت زەرتتەۋ جۇرگىزدى، دەپ جازادى The Daily Mail.

زەرتتەۋ ناتيجەسى بويىنشا، وتادان كەيىن كۇتىمىنە بايلانىستى وتباسىلى پاتسيەنتتەردىڭ تەك 19 پايىزى عانا دۇنيەدەن وزسا، اجىراسقانداردىڭ 29 پايىزى، جەسىرلەردىڭ 34 پايىزى، بويداقتاردىڭ 20 پايىزى قايتىس بولىپ كەتكەن. اسىرەسە، اجىراسقانداردىڭ 40 پايىزى جۇرەك وتاسىنان كەيىن 2 جىلدان سوڭ مەرت بولعان.

وسىدان كەيىن ماماندار، وتباسىلى ادامدارعا جۇرەك وتاسىنان كەيىن ءبىر بىرىنە جاردەم بەرىپ، كومەكتەسۋدى سۇرادى.