قىرعىزستاندىق زيتا، گيتا ەسىمدى سيام ەگىزدەرىنىڭ ءبىرى دۇنيەدەن ءوتتى
الەمگە گيتا، زيتا ەسىمىمەن تانىمال سيام ەگىزدەرىنىڭ ءبىرىنىڭ دەنساۋلىعى 2011 - جىلدان بەرى ناشارلاپ كەتكەن. ونىڭ بۇيرەگىندەگى اۋرۋ قوزىپ، ءبىر كوزىنىڭ جانارى سونگەن. جەلتوقسان ايىندا قىزداردىڭ اناسى بىشكەكتەگى ۇلتتىق گوسپيتالدا ەمدەلگەننەن كەيىن ولاردى ماسكەۋگە الىپ بارعانىمەن، رەسەي عالىمدارى كومەك كورسەتە المادى.
- ەكىگە اجىراتىلعان سيام ەگىزدەرىنىڭ ءبىرى زيتانىڭ اياعى مەن بوكسەسىنىڭ جارتىسى جوق. زيتادا سوزىلمالى سەپسيس، وكپەسى قابىنعان. قولداۋ كورسەتكەندەردىڭ بارلىعىنا العىس ايتامىن، - دەيدى قىزدىڭ اناسى زۋمريات.
ەسكە سالا كەتەيىك، سيام ەگىزدەرى زيتا، گيتا رەزاحانوۆالار 1991 - جىلى 19 - قازاندا شۋ وبلىسىندا دۇنيەگە كەلگەن. ولاردىڭ تۇتاس دەنەسىندە ءۇش اياق، ءبىر بوكسە بار. ولار تۋرالى الەم 2003 - جىلى ماسكەۋدەگى فيلاتوۆ اتىنداعى ورتالىق بالالار اۋرۋحاناسىنىڭ دارىگەرلەرى ولاردى وتا ارقىلى اجىراتقانىنان كەيىن تانىپ، بىلگەن. زيتا مەن گيتا دەنەلەرى اجىراتىلعاننان كەيىن ۇزاق ۋاقىت ءومىر سۇرە بىلگەن الەمدەگى سيرەك سيام ەگىزدەرى.
