بۇرىنعى پرەمەر قاماۋعا الىنعان سوڭ ۇكىمەت وتستاۆكاعا جىبەرىلدى

استانا. قازاقپارات - مولدوۆانىڭ باس وپپوزيتسيالىق پارتيالارى ەل ۇكىمەتىنە سەنىمسىزدىك بىلدىرگەن سوڭ پارلامەنت ونىڭ وتستاۆكاعا كەتۋىن قولداپ داۋىس بەردى.

پرەمەر-مينيستر ۆالەري سترەلەتستىڭ كابينەتى ءۇش ايعا جۋىق ۋاقىت بۇرىن قۇرىلعان. پارلامەنتتىڭ 101 مۇشەسىنىڭ 65 ءى ونىڭ وتستاۆكاعا كەتۋىن قولداپ داۋىس بەردى.

تاياۋدا ۆالەري سترەلەتس ءوز قىزمەتىنەن كەتپەيتىنىن مالىمدەپ، ەگەر بۇل ارەكەتكە بارسا، بۇل وزىنە جەمقورلىققا قاتىسى بار دەپ تاعىلعان ايىپتاردى مويىنداۋ بولىپ سانالاتىنىن ايتتى، دەپ جازادى BBC.

«مەن ەل تاعدىرىنا شىنىمەن دە الاڭداپ وتىرمىن. ساياساتكەرلەردىڭ ءبىر بولىگىنىڭ مينيمالدى تۇراقتىلىقتى قولداۋعا نيەتى جوق ەكەنىن كورىپ وتىرمىن»، - دەدى پرەمەر پارلامەنت الدىندا سويلەگەن سوڭعى سوزىندە.

وتكەن اپتادا كيشينيەۆتاعى سوت مولدوۆانىڭ بۇرىنعى پرەمەر-ءمينيسترى ۆلاد فيلاتتى قاماۋعا الۋ مەرزىمىن 30 كۇنگە ۇزارتتى. تەرگەۋ ونىڭ 1 ميلليارد دوللارعا دەيىنگى سوماعا بانكتىك ايلا-شارعىلارعا قاتىستىلىعىن تەرگەۋ ۇستىندە.

مولدوۆا استاناسىندا جەمقورلىق جاساۋدا كۇدىكتى تانىلعان شەنەۋنىكتەردى جازاعا تارتۋ تالاپتارى ايتىلعان نارازىلىق شارالارىنىڭ وتكىزىلىپ جۇرگەنىنە ءبىر ايدان استام ۋاقىت ءوتتى.