08:23, 30 - قازان 2015 | GMT +5
لوندوندىق «چەلسي» كومانداسىنىڭ فۋتبولشىسىنا قىز زورلادى دەگەن ايىپ تاعىلدى
استانا. قازاقپارات - كانادادا پان امەريكالىق ويىندار كەزىندە لوندوندىق «چەلسي» فۋتبول كومانداسىنا تيەسىلى «رەدينگ» كلۋبىنىڭ جارتىلاي قورعاۋشىسى لۋكاس پيازون مەن ونىڭ برازيليا قۇراما كومانداسىنداعى ارىپتەسى، «بوتوفاگو» كومانداسىنىڭ قاقپاشىسى اندرەي دا سيلۆا ۆەنتۋراعا قىز زورلادى دەگەن كۇدىكپەن ايىپ تاعىلىپ وتىر.
كانادانىڭ تورونتو قالاسىنىڭ پوليتسياسى ولاردى تۇتقىنداۋ تۋرالى وردەر بەردى، دەپ حابارلادى lifenews.ru شەتەلدىك ب ا ق- قا سىلتەمە جاساي وتىرىپ.
«بي-بي-سي» اقپارات اگەنتتىگىنىڭ حابارلاۋىنشا، فۋتبولشىلار قىلمىستى بيىل جازدا پان امەريكالىق ويىندار كەزىندە جاساعان. 25 - شىلدە كۇنى پيازون مەن ۆەنتۋرا تورونتودا ەكى قىزبەن كوڭىل كوتەرۋ ورنىندا تانىسقانىمەن كەيىن ولار قىزداردى ۇيىنە دەيىن اڭدىپ بارىپ، زورلاعان.
لۋكاس پيازون برازيليالىق «سان پاۋلۋ» كلۋبىنان 2011 - جىلى 5 ميلليون ەۋروعا «چەلسيعا» اۋىسقان بولاتىن.
