چەحيادا ميگرانتتارعا قارسى ەرەۋىلدەر ءوتتى

استانا. قازاقپارات - چەحيانىڭ ءبىرقاتار قالاسىندا ەلگە ميگرانتتاردىڭ كەلۋىنە قارسى ەرەۋىل ءوتتى.

نارازىلىق شاراسىنىڭ ەڭ اۋقىمدىسى برنو قالاسىندا ۇيىمداستىرىلعان. وعان باس-اياعى 1500 ادام قاتىستى. بۇل - نەگىزىنەن ساياسي جانە وڭشىل راديكالدى ۇيىمداردىڭ وكىلدەرى. جالپى شەرۋلەردىڭ دەنى بەيبىت تۇردە وتكەن. تەك ەل استاناسى پراگادا عانا ءتارتىپ ساقشىلارىنا كۇش قولدانۋعا تۋرا كەلدى. مۇندا پوليتسەيلەر بوسقىنداردىڭ ەلگە كەلۋىن جاقتايتىن جانە وعان قارسى تاراپتاردى اجىراتىپ، الەك بولعان.

لۋتتس باحمان، پەگيدا قوزعالىسىنىڭ جەتەكشىسى:

- بۇل -  اسا ماڭىزدى تۇيتكىلدەردىڭ ءبىرى. وسى رەتتە مەن ميگرانتتارعا توتەپ بەرۋ ءۇشىن ەۋروپانىڭ بارلىق پاتريوتتارىن بىرلەسە ارەكەت ەتۋگە شاقىرامىن.

مارەك چەرنوح، چەحيا پارلامەنتىنىڭ دەپۋتاتى:

- مەنى نارازىلىق شاراسىنىڭ تەك پراگادا عانا ەمەس، ەلدىڭ وزگە قالالارىندا دا ءوتىپ جاتقانى قاتتى قۋانتادى. بۇل حالىقتىڭ ميگرانتتار تاراپىنان تۋىنداعان قاۋىپ-قاتەرگە بەيجاي قارامايتىنىن بىلدىرەدى. ءبىز بارلىعىمىز بىرىگىپ، ەۋروپانىڭ سالت-ءداستۇرىن، مادەنيەتىن بالالارىمىزدىڭ بولاشاعى ءۇشىن ساقتاپ قالۋىمىز قاجەت.

www.24.kz