جاپون كومپانياسى ءسابينا التىنبەكوۆانىڭ بارلىق جارنامالىق كەلىسىمدەرىنە يەلىك ەتۋ قۇقىعىن ساتىپ الدى
بۇل تۋرالى Dentsu Inc. حولدينگىنىڭ باسپا ءسوز قىزمەتى حابارلادى.
ەندى جاپوندىق كومپانيا قازاق سپورتشىسىنىڭ جارناماعا تۇسۋىنە ءارى كەلىسىمگە كەلۋىنە بەلسەندى ارالاساتىن بولادى.
ءسابينا مەن جاپون حولدينگى اراسىنداعى كەلىسىم 2015 -جىلدىڭ 1 - قاراشاسىنان ءوز كۇشىنە ەنەتىن بولادى. اتالعان كەلىسىم قازاقستاننان تىس ايماقتاردا جارامدى ەكەندىگىن ايتا كەتۋ كەرەك.
ەسكەرە كەتەتىن جايت، اتالعان كومپانيا كۇنشىعىس ەلىنەن وزگە سپورت جۇلدىزدارىمەن كەلىسىمگە كەلگەن ەمەس. ەڭ العاشقى شەتەلدىك ارىپتەس بولىپ ءسابينا اتانىپ وتىر.
ءسابينا التىنبەكوۆا قازاقستاننىڭ ەڭ تانىمال سپورتشىلارىنىڭ قاتارىندا. ول ازيادا وتكەن جاسوسپىرىمدەر اراسىنداعى 17 چەمپيوناتتا تايۆان جانكۇيەرلەرى مەن جۋرناليستەرىنىڭ نازارىنا ىلىككەن. سول ساتتەن باستاپ وڭتۇستىك ازيا ەلدەرىنىڭ، كورەيا، قىتاي، تايۆان سپورتسۇيەر قاۋىمى اراسىندا تانىمالدىعى ارتا ءتۇستى. قازىردىڭ وزىندە ونىڭ الەۋمەتتىك جەلىدە 500 مىڭنان استام جازىلۋشىلارى بار.
اۆتور: گۇلميرا عوسمانالي
