ايەلدەرگە تەز قارتايىپ كەتپەۋ ءۇشىن نە ىستەۋ كەرەك؟
بۇل تۋرالى anabol.kz سايتى حابارلايدى.
سامايىن اق باسقانىن، ماڭدايىن ءاجىم «ورنەكتەگەنىن» كورگەن كەلىنشەكتەر كۇيزەلىسكە تۇسەتىن كورىنەدى. قارتايۋدىڭ الدىن الا المايمىز. بۇل - تابيعي قۇبىلىس. الايدا قارتايۋ پروتسەسىن باسەڭدەتۋ ءۇشىن نە ىستەۋگە بولادى؟
25-30 جاس ارالىعى
ادەتتە، قارتايۋدىڭ العاشقى بەلگىلەرى 25-30 جاس ارالىعىندا بىلىنە باستايدى ەكەن جانە ول ءسىزدىڭ جۇزىڭىزدەن كورىنىس تابادى. جالپى، بۇل تابيعي قۇبىلىس بولعانىمەن، قارتايۋ ءار ادامنىڭ جەكە ەرەكشەلىكتەرىنە، ونىڭ ومىرلىك ۇستانىمىنا، قورشاعان ورتاسىنا، جەكە قاسيەتتەرى مەن مىنەز- قۇلقىنا، اينالىساتىن ىسىنە، نەمەن جانە قالاي، قاشان تاماقتاناتىنىنا، تاعى باسقالارعا تىكەلەي بايلانىستى ەكەن.
بۇل جاستاعى جانداردىڭ بەت تەرىسى باياعىداي بالعىن ەمەس، تەرى شارشاڭقى كورىنەدى. سونىمەن قاتار كوزدەرىنىڭ اينالاسىندا ۇساق اجىمدەر دە بىلىنە باستاعان.
كوپ جاعدايدا ءدال وسى 5 بەس جىل ءار ادامنىڭ ومىرىندە ەرەكشە جايتتارعا تولى بولاتىنى بەلگىلى. وتباسىن قۇرىپ، كىشكەنتايلاردى تاربيەلەۋ نەمەسە ورنىقتى جۇمىس ورنىن تاۋىپ، كارەراسىن قالىپتاستىرۋ كوبىنە- كوپ وسى جاستارعا ءدوپ كەلەدى. سوعان وراي وسى بەس جىلدا ادام بالاسى كوپتەگەن كۇيزەلىسكە تۇسەدى. دەمەك، قارتايۋ پروتسەسىن جەدەلدەتۋگە ءوزى دە (انىعى، ءومىر اعىسى) ۇلەس قوسادى.
قارتايۋدى باسەڭدەتۋ جولدارى
بەت تەرىسىنە دۇرىس كۇتىم جاساۋدى قولعا الۋ كەرەك. تازالاۋ، كوسمەتيكالىق قۇرالدار قولدانۋ بىلاي تۇرسىن، قاجەت بولسا، بەتكە ماسساج جاساپ تۇرۋدىڭ دا ماڭىزى مول. سونىمەن قاتار كۇيزەلىسكە ءتۇسىپ، اشۋعا بەرىلمەۋگە تىرىسۋ كەرەك.
30-35 جاس ارالىعى
بۇل جاستاعى ايەل ادامنىڭ بەت- بەينەسى - ونىڭ جاس كەزىندە بەتىنە جاساعان «جۇمىسىنىڭ» ناتيجەسى. ياعني جاس كەزىڭىزدە وزىڭىزگە قانشالىقتى نازار اۋداردىڭىز، قانداي كۇتىم جاسادىڭىز نەمەسە مۇلدە قاراماعان بولارسىز. مۇنىڭ ءبارى بەتىڭىزدە «تۇرادى».
30 جاستان اسقان سوڭ- اق قارتايۋ پروتسەسى تەزدەتە تۇسەدى. كەشەگى ءبىر- ەكى سىزىقتىڭ قالاي ەسەلەنىپ كەتكەنىن بايقاماي دا قالاسىز. بەت تەرىسىنىڭ ءولى كلەتكالارى كوبەيىپ، سىرتقا شىعىپ، ءتۇرىڭىزدى شارشاڭقى كورسەتەدى. اجىمدەر كەشە عانا ماڭدايىڭىزدا عانا بولسا، ەندى مۇرىن مەن اۋىزدىڭ ماڭايىنا دا اجىمدەردىڭ پايدا بولعانىن بايقايسىز.
تەرىسى قۇرعاق، ارىقشا كەلگەن كەلىنشەكتەرگە، اسىرەسە، ميميكالىق ءاجىم ەرتە تۇسەدى. دۇرىس كۇتىم جاسالماسا، بەتىڭىز پەشتە پىسكەن الما سياقتانىپ كەتۋى عاجاپ ەمەس.
قارتايۋدى باسەڭدەتۋ جولدارى
بەت تەرىسىنە كۇندەلىكتى كوسمەتيكالىق كۇتىم جاسالۋى كەرەك. تەرىنى تىنىشتاندىراتىن، نارلەندىرەتىن، تازارتاتىن جانە تارتاتىن كوسمەتيكالىق قۇرالدار قولدانىڭىز. كرەمدەردىڭ قۇرامىندا س دارۋمەنى بولۋىن قاداعالاڭىز. سونىمەن قاتار وتتەكتى كوسمەتيكا قولدانعان ءجون. ماسساجبەن قاتار پيلينگ، ليفتينگتىڭ دە كومەگىنە جۇگىنىپ كورۋگە بولادى.
