شىمكەنت اكىمى ءوزى وتىراتىن عيماراتتى ادەمى ءارى جاس قىزدارعا كۇزەتتىرىپ قويدى

استانا. قازاقپارات - شىمكەنت اكىمدىگىنىڭ كىرە بەرىسىندە Reception پايدا بولدى.

بۇل جاڭالىقتى جاڭا اكىم عابيدۋللا ءابدىراحىموۆ ەنگىزىپ وتىر.

بۇل تۋرالى 7news.kz حابارلايدى.

بۇعان كۇزەت قىزمەتى اقپاراتتىق قىزمەتكە كوبىرەك ۇقساپ بارا جاتقانى سەبەپ بولعان. مۇنداي رەسەپشن وزگە ايماقتاردىڭ دا اكىمدىگىنە ارتىق بولمايتىن سياقتى. سەبەبى تۇرعىندار، ءتىپتى قاي كابينەتكە كىرۋ كەرەكتىگىن بىلمەي جاتادى.

ازىرگە مۇنداي اقپاراتتىق قىزمەت بۇكىل قازاقستان بويىنشا تەك شىمكەنتتە عانا ىسكە قوسىلعان. 29 -قازاندا ول سالتاناتتى تۇردە اشىلىپ، بۇل اتاۋلى وقيعاعا جۋرناليستەر دە شاقىرىلدى.

«ەندى كەلۋشىلەردىڭ سۇراقتارىنا كۇزەت قىزمەتى ەمەس، رەسەپشننىڭ ادەمى بويجەتكەندەرى جاۋاپ بەرەتىن بولادى»، - دەيدى اكىمدىك وكىلى نۇرلىبەك جەڭىسبەك.