15:39, 29 - قازان 2015 | GMT +5
قازاقستان مۇسىلماندارى ءدىني باسقارماسى كىشكەنە بالالاردى زورلاۋعا قاتىستى ءپاتۋا شىعاردى
الماتى. قازاقپارات - الماتىدا ەلىمىزدىڭ باس ءمۇفتيى ەرجان قاجى مالعاجى ۇلىنىڭ توراعالىعىمەن ءوتىپ جاتقان قازاقستان مۇسىلماندارى ءدىني باسقارماسى جانىنداعى عۇلامالار كەڭەسىنىڭ ІX وتىرىسىندا پەدوفيلياعا قاتىستى ءپاتۋا شىعارىلدى.
قازاقستان مۇسىلماندارى ءدىني باسقارماسىنىڭ باسپا ءسوز قىزمەتىنىڭ حابارلاۋىنشا، بالالاردى زورلاۋ دەرەكتەرى، وكىنىشكە قاراي، قوعامدا بارعان سايىن ءجيى كەزدەسىپ جاتىر. ول قۇران اياتتارىندا كەلتىرىلەتىن «ارسىزدىق»، «ۇياتسىزدىق»، «قىلمىس»، «كۇنا» سەكىلدى ۇعىمدارعا جاتادى.
«وسىنداي قىلمىسقا بارعان جانە ونىمەن قويماي جابىرلەنۋشىنى ولتىرگەن قىلمىسكەر ەڭ اۋىر جازاعا تارتىلۋى ءتيىس. شاريعات بويىنشا جازاعا كەلەتىن بولساق، بۇل اۋىر قىلمىس ادام بالاسىنا قارسى جاسالعان قىلمىس بولىپ ەسەپتەلەدى، سوندىقتان قولدانىلاتىن جازا دا اۋىر بولادى»، - دەلىنگەن ءپاتۋادا.
اۆتور: جاپپاربەرگەن ايبوتا
