الماتى اكادەمياسى قىتاي ۋنيۆەرسيتەتىمەن ىنتىماقتاستىق ورناتپاق
ولار وتاندىق وقۋ ورنىمەن لاڭكەستىككە جانە ەسىرتكى بيزنەسىنە قارسى كۇرەستە كۇش بىرىكتىرمەك.
شەتەلدىك قوناقتار بۇگىن اكادەميا قابىرعاسىندا وتكەن «لاڭكەستىك ارەكەتكە قارسى تۇرۋ ماسەلەلەرى: وتاندىق جانە شەتەلدىك تاجىريبە» اتتى حالىقارالىق كونفەرەنتسياعا قاتىستى.
ايتا كەتۋ كەرەك، 2 جىل بۇرىن ق ر ءى ءى م ءمينيسترى قالماحامبەت قاسىموۆ ق ح ر قوعامدىق قاۋىپسىزدىك مينيسترىمەن ءوزارا ىنتىماقتاستىق تۋرالى مەموراندۋمعا قول قويعان بولاتىن.
بۇگىنگى كەزدەسۋ وسى ۋاعدالاستىق اياسىندا ءوتىپ جاتىر.
«ءبىز قازاقستانعا لاڭكەستىككە قارسى جانە ەسىرتكى بيزنەسىنە قارسى كۇرەس تاقىرىبىندا وتەتىن حالىقارالىق كونفەرەنسياعا كەلدىك. بۇگىنگى جيىندا الىنعان اقپارات ۋنيۆەرسيتەت قابىرعاسىندا وقىتۋ باعدارلاماسىنا ەنەتىن بولادى. سونداي- اق الماتىلىق ارىپتەستەرىمىزبەن بايلانىس ورناتۋ، ولاردىڭ ءبىلىم بەرۋ تاجىريبەسىن كورۋدى ماقسات تۇتىپ وتىرمىز. الماتى اكادەمياسىمەن ۋنيۆەرسيتەتتىك دەڭگەيدە ءوزارا ستۋدەنت جانە وقىتۋشى الماسىپ، بىرىككەن جوبالاردى ۇيىمداستىرۋ ءۇشىن ىنتىماقتاستىق تۋرالى مەموراندۋمعا قول قويۋعا نيەت ەتىپ وتىرمىز. ءبىزدىڭ اكادەميا الەمنىڭ 20 شاقتى اسكەري ج و و- سىمەن كەلىسىمگە كەلگەن» ، - دەدى قىتاي حالىقتىق قوعامدىق قاۋىپسىزدىك ۋنيۆەرسيتەتى باسشىسىنىڭ ورىنباسارى لي تسزيانحە.
ەكى كۇن ىشىندە اسكەري وقۋ ورىندارىنىڭ ۇستازدارى الەمدەگى لاڭكەستىكتىڭ ءوسۋ كورسەتكىشىن تالقىلاپ، وتاندىق جانە شەتەلدىك زاڭنامانىڭ ولقى تۇستارىن تىلگە تيەك ەتپەك.
سونداي- اق قوس تاراپ وسىنداي اۋقىمدى پروبلەمالاردى شەشۋگە باعىتتالعان كۇرەس تەتىكتەرىن، ماماندار دايارلاۋ ماسەلەسىن تالقىلاماق.
اۆتور: گۇلميرا عوسمانالي
