امەريكاندىق ميللياردەر قازاقستان قور بيرجاسىنىڭ اكسياسىن ساتىپ الۋعا نيەتتى
«وزدەرىڭىزدە بىلەتىندەي، كوپتەگەن جىلدار بۇرىن قازاقستان مۇنداي دامىعان ەل بولماعان ەدى. سوندىقتان دا بۇل جەردە مۇمكىنشىلىكتەر اياسى وتە مول. مەن كوممۋنيكاتسيا جانە اۋىل شارۋاشىلىعى سالالارىندا ءوز قىزمەتىمدى باستار ەدىم. سونىمەن قاتار قازاقستاننىڭ قور نارىعىنا دا ينۆەستيتسيا سالعىم كەلەدى»، - دەدى ول ASTANA INBEST 2015 VI حالىقارالىق ينۆەستيتسيالىق فورۋم اياسىندا وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
ول ءوز سوزىندە ماسكەۋ قور نارىعىنا ينۆەستيتسيا سالعانىن ەرەكشە اتاپ ءوتتى.
«قازاقستان قور بيرجاسىنىڭ دا اكسياسىن ساتىپ العىم كەلەدى. جالپى، مۇنداي ساۋال ماعان بىرنەشە اپتادان كەيىن، ياعني، بارلىعىن زەردەلەپ العاننان كەيىن قويىلعانى دۇرىس بولار ەدى»، - دەدى امەريكاندىق ميللياردەر.
ماماندىعى ارحيتەكتور دجيم رودجەرس قۇرىلىس سالاسىنا ينۆەستيتسيا سالۋعا قۇلقى جوق ەكەندىگىن دە اتاپ ءوتتى.
اۆتور: مارلان جيەمباي
