قازاقستان مەن سەربيا ينۆەستيتسيالاردى ءوزارا قورعاۋ تۋرالى كەلىسىمگە كەلدى
اتالعان كەلىسىمگە استانا قالاسىندا 2010-جىلى 7- قازاندا استانادا سەربيا پرەزيدەنتى بوريس ءتاديچتىڭ ەلىمىزگە رەسمي ساپارى اياسىندا قول قويىلعان بولاتىن.
كەلىسىم ەكى مەملەكەتتىڭ دە ەكونوميكالىق دامۋىن جەدەلدەتۋگە، ينۆەستيتسيالاردى كوتەرمەلەۋ مەن قورعاۋعا نەگىزدەلگەن ءوزارا ساۋدا-ەكونوميكالىق قاتىناستاردى كەڭەيتۋگە باعىتتالادى. كەلىسىمگە وراي، قازاقستان مەن سەربيا ءوز مەملەكەتتەرىنىڭ ۇلتتىق زاڭناماسىنا جانە د س ۇ قاعيداتتارىنا سايكەس، ءوزارا تاۋار ساۋداسىنا ەركىن ساۋدا رەجىمىن ورناتاتىن بولادى.
بۇدان بولەك، ءار تاراپ ءوز اۋماعىندا ەكىنشى تاراپ ينۆەستورلارى مەن ينۆەستيتسيالارىنا قايسىسى قولايلىراق بولاتىندىعىنا بايلانىستى رەجىم ۇسىنادى. قازاقستان مەن سەربيا ءوز مەملەكەتتەرىنىڭ زاڭنامالارىنا سايكەس، بارلىق سالىق مىندەتتەمەلەرىن ورىنداعان ينۆەستورلارعا ولاردىڭ ينۆەستيتسيالارىنا بايلانىستى سومالاردى جانە ينۆەستيتسيالارعا قاتىستى اۋدارىلاتىن تولەمدەر اۋدارىلىمىن قامتاماسىز ەتۋگە ۋاعدالاسىپ وتىر.
اۆتور: قانات مامەتقازى ۇلى
