11:19, 30 - قازان 2015 | GMT +5
شاڭحايدا پيتسا قامىرىن يلەۋدەن رەكورد جاڭارتىلدى - فوتو
استانا. قازاقپارات - شاڭحايدا 511 ادام پيتساعا ارنالعان قامىردى ءبىر ۋاقىتتا يلەۋگە قاتىستى.
ءسويتىپ ولار جاڭا الەمدىك رەكورد ورناتىپ، رەسمي تۇردە گيننەستىڭ رەكوردتار كىتابىنا ەنگىزىلدى، دەپ حابارلادى China News.
بايقاۋ شارتتارى بويىنشا، بارلىق قاتىسۋشىلار ديامەترى 30,5 سانتيمەتر پيتساعا ارنالعان قامىردى ءبىر ۋاقىتتا قولمەن اينالدىرا اۋادا دوڭگەلەتىپ ازىرلەۋى ءتيىس. مۇنى كەم دەگەندە ءبىر مينۋتتا ورىنداۋ قاجەت. قاتىسۋشىلار مىندەتتەرىن ءساتتى ورىنداپ جاڭا رەكورد ورناتتى.
رەكورد ورناتۋ ءۇشىن پايدالانىلعان قامىر ىسىراپ ەتىلمەي، 511 پيتسا جاسالىپ، ارتىنشا ساتىلىپ كەتتى. الىنعان قاراجات قايىرىمدىلىققا اۋدارىلدى.
