ت م د ارنايى قىزمەتتەرى لاڭكەستەردىڭ «ۇيقىداعى ۇياشىقتارىن» جويۋعا كىرىسەدى

استانا. قازاقپارات - ت م د ەلدەرىنىڭ ارنايى قىزمەتتەرى «ۇيقىداعى» لاڭكەستىك ۇياشىقتارىن جويۋمەن اينالىسادى.

بۇل تۋرالى ماسكەۋدە اياقتالعان ت م د- عا قاتىسۋشى مەملەكەتتەردىڭ قاۋىپسىزدىك جانە ارنايى قىزمەتتەر ورگاندارى باسشىلارى كەڭەسىنىڭ 39- وتىرىسىنىڭ قورىتىندىسى بويىنشا ف ق ق باسپا ءسوز قىزمەتىندە ءمالىم ەتىلدى، دەپ حابارلادى eadaily.com.

«دوستاستىق مەملەكەتتەرىنىڭ قاۋىپسىزدىك جانە ارنايى قىزمەت ورگاندارى الداعى ۋاقىتتا ۇيقىداعى تەررورلىق ۇياشىقتاردى تاۋىپ، ولاردى جويۋعا، سونداي-اق ءبىزدىڭ ەلدەردەن ازاماتتاردىڭ شەتەلگە ينتەرناتسيونالدىق بانديتتىك توپ ايماعىنا ءوتۋىن ۇيىمداستىرۋشىلاردىڭ جۇمىسىن توقتاتۋعا دەن قويۋعا نيەتتى»، - دەپ اتاپ ءوتتى ف ق ق.

سونداي-اق وتىرىس بارىسىندا سيريا مەن اۋعانستانعا بارۋ ءۇشىن يدەولوگيالىق جانە ديۆەرسيالىق-تەررورلىق دايىندىقتان وتكەن تۇلعالاردى انىقتاۋ سالاسىندا ىنتىماقتاستىق تەتىكتەرىن جەتىلدىرۋ جولى ايقىندالدى.

ماسكەۋدە اياقتالعان جەدەل دەن قويۋ ارنايى جاساعىنىڭ 39- وتىرىسى جۇمىسىنا باقىلاۋشىلار رەتىندە گەرمانيا، يتاليا، يسپانيا جانە فرانسيا ارنايى قىزمەتتەرىنىڭ دەلەگاتسيالارى قاتىستى.