سەمەي قالاسىنا قاتىستى تىڭ دەرەكتەر مەن قۇجاتتار تابىلدى

استانا. قازاقپارات - سەمەيدەگى قازىرگى زامان تاريحىن قۇجاتتاندىرۋ ورتالىعى قۇندى دەرەكتەرمەن تولىقتى.

وسى مەكەمەنىڭ قىزمەتكەرلەرى رەسەيدىڭ ماسكەۋ، ومبى، بارناۋل قالالارىنداعى مۇراعاتتارىندا زەرتتەۋ جۇرگىزىپ، سەمەي قالاسىنا قاتىستى تىڭ دەرەكتەر مەن قۇجاتتار تاپتى.

زەرتتەۋشىلەر 500 دەن استام دۇنيە اكەلگەن. ەندى ولار ارنايى تىزىمدەلىپ، كوپشىلىك نازارىنا ۇسىنىلىپ وتىر.

جوبا مەملەكەتتىك «مادەني مۇرا» باعدارلاماسى اياسىندا جۇزەگە استى.

لاۋرا قادىروۆا، قازىرگى زامان تاريحىن قۇجاتتاندىرۋ ورتالىعىنىڭ ءبولىم مەڭگەرۋشىسى:

- ولكە تانۋشىلار وزىنە كەرەكتى سەمەي وڭىرىنە بايلانىستى دەنساۋلىق، ءبىلىم بەرۋ، ساياسي-ەكونوميكا سياقتى سالالار بويىنشا، جالپى سەمەي وڭىرىندەگى ساۋدا-ساتتىق، ولكەتانۋشىلار جۇمىسى سەكىلدى قۇجاتتارمەن ەشقايدا بارماي-اق ءبىزدىڭ مۇراعاتتا جۇمىس جاساپ، سول قۇجاتتاردى وقىپ قاراۋىنا ۇلكەن مۇمكىندىك بار.

www.24.kz