08:51, 29 - قازان 2015 | GMT +5
قىتاي كومپانياسى اقتوبە وبلىسىندا سەمەنت زاۋىتىن سالۋدى جوسپارلاۋدا
اقتوبە. قازاقپارات - اقتوبە وبلىسىنىڭ اكىمى بەردىبەك ساپاربايەۆ جانە «حۋاسين سەمەنت» كورپپوراتسياسىنىڭ ۆيتسە-پرەزيدەنتى، شەتەلدىك ينۆەستيتسيالار جونىندەگى ديرەكتورى ليۋ يۋنسيا حانىم قىتاي تاراپىنىڭ قارعالى اۋدانى پريوزەرنوە كەنتىندە سەمەنت زاۋىتىن سالۋى پەرسپەكتيۆالارىن تالقىلادى.
وبلىس اكىمى زاۋىتتىڭ ءونىمى قۇرىلىس يندۋسترياسى جاقسى دامىپ كەلە جاتقان اقتوبە وڭىرىندە سۇرانىسقا يە بولاتىنىن اتاپ ءوتتى.
«جىل سايىن سەمەنتتى قاجەت ەتەىن وندىرىستىك جانە باسقا دا نىساندار قۇرىلىسى جايلى ايتپاعاندا، 450-500 مىڭ شارشى مەتر تۇرعىن ءۇي پايدالانۋعا ەنگىزىلەدى»، - دەپ اتاپ ءوتتى ب. ساپاربايەۆ. بۇدان باسقا، تەمىر جول جانە اۆتوموبيل جولدارى جەلىسى، ونىڭ ىشىندە «باتىس ەۋروپا-باتىس قىتاي» حالىقارالىق ترانزيتتىك ءدالىزى سەمەنتتى كورشى وبلىستارعا عانا ەمەس، شەتەلدەرگە ساتۋعا مۇمكىندىك بەرەدى.
تاراپتار جەرگىلىكتى بيلىك ورگاندارى تاراپىنان جاردەمدەسۋدى تالاپ ەتەتىن ءبىرقاتار ماسەلەلەردى تالقىلادى. ونىڭ ىشىندە شيكىزات ءوندىرۋ، اقمولا وبلىسىنىڭ گاز قۇبىرىنا قوسىلعان وقۋ ورىندارى بازاسىندا ماماندار دايىنداۋ بار.
