استانادا «ساعىندىرعان اندەر- اي!» رەترو ءان كەشى وتەدى

استانا. قازاقپارات - «ساعىندىرعان اندەر- اي» - جىل سايىن وتەتىن ءداستۇرلى رەترو ءان كەشى. ساعىندىرعان سوناۋ جىلداردى ءاننىڭ قۇدىرەتىمەن ەسكە تۇسىرەتىن كەش كوزى قاراقتى كورەرمەننىڭ كوزايىمىنا اينالىپ ۇلگەردى.

 بۇل جوبانىڭ اۆتورى جانە ۇيىمداستىرۋشىسى «مايرا» پروديۋسەرلىك ورتالىعىنىڭ ديرەكتورى مايرا ءىلياسوۆا بيىل قازاق ەستراداسىنىڭ جارىق جۇلدىزدارىنىڭ باسىن قوسىپ، اسەرلى ءان كەشىن استانادا ۇيىمداستىرماق.

قازاق ساحناسىندا جىلدار بويى كورەرمەنگە اسەم اندەرىڭ ۇسىنىپ، ونەر الەمىنە ەڭبەگى سىڭگەن اعا بۋىن «دوسمۇقاسان» توبى، روزا رىمبايەۆا، ەسكەندىر جانە ءبىرجان حاسانعاليەۆتەر، نۇرعالي ءنۇسىپجانوۆ، «مۋزارت» توبى، «نۇرمۇقاسان» توبى، نۇرجامال ۇسەنبايەۆا، ت. ب. جاس بۋىن انشىلەرى «جىگىتتەر» توبى، الماس كىشكەنبايەۆ، جانار دوعالوۆا، تورەعالي ءتورالى، ساندا، ت. ب ونەر جۇلدىزدارى ءبىر ساحنادا توعىسادى.

ءسىز ويلاماعان توسىن سىيلار كورەرمەندى تاڭقالدىرىپ، ءسىز كۇتپەگەن دۋەتتەر جىل جاڭالىعىنا اينالادى. 40 جىل ساحنادا ونەر كورسەتكەن روزا رىمبايەۆا مەن جاس ءانشى سەرىك يبراگيموۆ، قوڭىر داۋىستى مەيرامبەك بەسپايەۆ پەن ءالي وقاپوۆ، حالىقارالىق «سلاۆيان بازارى» بايقاۋىنىڭ گران پري يەگەرى ديماش قۇدايبەرگەنوۆ پەن كوپتەگەن ءان بايقاۋلارىنىڭ جەڭىمپازى الىشەر كارىموۆ دۋەت بوپ شىرقايتىن بولادى! ەلوردانىڭ تۇرعىندارى مەن قوناقتارىنا ارنالعان ۇمىتىلماس جۇلدىزدار شەرۋى 16 - قاراشا كۇنى، ساعات 19:00-دە «قازاقستان» ورتالىق كونسەرت زالىندا وتپەك.