08:41, 29 - قازان 2015 | GMT +5
شوكولادتان جاسالعان كيىمدەردىڭ بايقاۋى ءوتتى - فوتو
استانا. قازاقپارات - فرانسيانىڭ استاناسىندا الەمدەگى ەڭ ۇلكەن شوكولاد فەستيۆالى بولىپ سانالاتىن شوكولاد سالونى اشىلدى.
The Telegraph جازۋىنشا، شوكولادتان جاسالعان كيىمدەر ۇلگىسىن كورسەتۋ ءۇشىن ورتاعا فرانسياداعى شوۋ-بيزنەستىڭ ەڭ جارقىن دەگەن 15 جۇلدىزى شىققان. ولاردىڭ اراسىندا «ميسس فرانسيا-2015» كاميل سەرف، تانىمال تەلەجۇرگىزۋشى ساندرين اركيزەت، ت. ب. بار.
فەستيۆالعا 700 گە جۋىق ادام قاتىستى. ونىڭ ىشىندە بەلگىلى شوكولاتە مەن كونديتەرلەر دە بولدى. ولار كەلگەن قوناقتارعا شوكولادتان ءتۇرلى كونديتەرلىك ونىمدەردى جاساۋ تەحنولوگياسىن دا ءتۇسىندىرىپ، شەبەرلىك ساعاتتارىن وتكىزدى، دەپ جازادى شەتەلدىك ب ا ق.
