ەكرانى سىنبايتىن سمارتفون جاساپ شىعاردى

استانا. قازاقپارات - Motorola كومپانياسى ەكرانى سىنبايتىن Droid Turbo 2 سمارتفونىن جاساپ شىعاردى.

تەلەفوننىڭ ديسپلەيى ەكى قاباتتان تۇرادى - ىشكى جانە سىرتقى. سىرتقى قابات قورعانىش قاباتى بولىپ سانالادى جانە زاقىمدانعان جاعدايدا اۋىستىرۋعا بولادى.

Motorola- نىڭ زەرتتەۋىنە قاراعاندا، الەمدە ءار 2 سەكۋند سايىن ۇيالى تەلەفوننىڭ ەكرانى سىناتىن كورىنەدى. ال سمارتفون تۇتىنۋشىلارىنىڭ 63 پايىزى جوندەۋ جۇمىستارى قىمبات بولعاندىقتان سىنعان ەكراندى قايتا جوندەۋگە بەرمەيدى.

تەلەفوننىڭ 3 گيگابايت وپەراتيۆتىك جادى بار، سونداي-اق نەگىزگى كامەرانىڭ ءتۇسىرۋ ساپالىعى 21 مەگاپيكسەل جانە 5 مەگاپيكسەلدى فرونتالدى كامەرا دا بار.

قۇراستىرۋشىلار سمارتفوننىڭ اككۋمۋلياتورى 48 ساعاتقا شىدايتىندىعىن ايتتى. مودەل Android   وپەراتسيالىق جۇيەسىندە جۇمىس جاسايدى، دەپ جازادى شەتەلدىك ب ا ق.