ەكىنشى دۇنيەجۇزىلىك سوعىس كەزىندەگى تانكى جارىلدى: قازا تاپقاندار بار

استانا. قازاقپارات - امەريكانىڭ ورەون شتاتىنداعى دەشۋت وكرۋگىنىڭ اۋىلدىق جەرىندە ميلليكان قالاسى اتقىشتار سپورتى قاۋىمداستىعى يەلىگىندەگى اتىس الاڭىندا قايعىلى وقيعا ورىن الدى.

بۇل جەردە ەكىنشى دۇنيەجۇزىلىك سوعىس كەزىندەگى تانكىنىڭ جارىلۋى سالدارىنان ەكى ادام قازا تاپقان.

جارىلىس ورنىنا كەلىپ جەتكەن پوليتسەيلەر اۋىر جاراقاتتانعان ەكى ادامدى تاپتى. ال مەديتسينالىق قىزمەتكەرلەر زارداپ شەككەندەردى امان الىپ قالۋعا ارەكەتتەنگەنىمەن، ەكەۋى دە كوپ ۇزاماي كوز جۇمدى.

پوليتسيا قىزمەتكەرلەرى ورتەۋ جانە جارىلعىش زاتتار سالاسىنداعى مامانداردىڭ قاتىسۋىمەن وقيعانى تەرگەۋ امالدارىنا كىرىستى. ازىرگە تانكتىڭ جارىلۋ سەبەپتەرى انىقتالعان جوق.