ەلوردادا قىزمەت ەتەتىن مەيىربيكەلەردىڭ كاسىبي بىلىكتىلىگى وتە تومەن - دەنساۋلىق ساقتاۋ باسقارماسى
بۇل تۋرالى بۇگىن بيىلعى 9 ايدىڭ قورىتىندىسى بويىنشا مەيىربيكەلىك ءىستى دامىتۋ بويىنشا ۇيلەستىرۋشى كەڭەستىڭ وتىرىسىندا استانا قالاسى دەنساۋلىق ساقتاۋ باسقارماسى باسشىسىنىڭ ورىنباسارى يۆان لي ءمالىم ەتتى.
«بۇگىندە بىزدە مەيىربيكەلەردىڭ كاسىبي دايارلىعى وتە تومەن جانە بۇل ءبىزدىڭ باستى پروبلەمامىز. ماسەلەن، ەڭبەك ءوتىلى بار مەيىربيكەلەردىڭ اراسىندا ءتيىستى دەڭگەيدە بىلىكتىلىگى جوق ەكەنى انىقتالىپ جاتادى»، - دەدى ي. لي.
ونىڭ سوزىنە قاراعاندا، ەلورداداعى مەيىربيكەلەردىڭ كاسىبي بىلىكتىلىگىنىڭ ستاتيستيكاسى ناشار. استانادا دايارلىعى ءبىرىنشى جانە جوعارى ساناتتاعى مەيىربيكەلەر وتە از.
«ەلوردا ءۇشىن بۇنداي كورسەتكىش لايىقتى ەمەس. شەتەلدە، ونىڭ ىشىندە گەرمانيادا نەمەسە يزرايلدە جوعارى مەيىربيكە ءبىلىمى مەديتسينالىق قىزمەتكەردىڭ جوعارى مارتەبەسىنە تەڭ. ولار وتباسىلىق مەديتسينا اياسىندا جۇمىس ىستەيتىن نەگىزگى مەديتسينالىق قىزمەتكەرلەر بولىپ تابىلادى»، - دەدى ي. لي.
اۆتور: رۋسلان عابباسوۆ
