19:39, 28 - قازان 2015 | GMT +5
تالدىقورعاندا جولاۋشىلار اۆتوبۋسى ورتەنىپ كەتتى - فوتو
تالدىقورعان. قازاقپارات - بۇگىن ساعات 17:05 تە الماتى وبلىستىق ت ج د ورتكە قارسى قىزمەتىنىڭ كەزەكشىلىك بولىمىنە تالدىقورعان قالاسىندا باعدارلى اۆتوبۋستىڭ ورتەنىپ، جارىلعانى تۋرالى حابارلا كەلىپ تۇسكەن.
وبلىستىق ت ج د- نىڭ حابارلاۋىنشا، وقيعا ورنىنا شۇعىل جاعدايدا ءورت ءسوندىرۋ قىزمەتى جىبەرىلدى. جول پوليتسياسىنىڭ قىزمەتكەرلەرى اۆتوبۋس ورتەنگەن اۋماقتى قورشاۋعا الدى.
№4 باعدارلى اۆتوبۋستىڭ جۇرگىزۋشىسى سالوندا بولعان 25 جولاۋشىنى قاۋىپسىز جەرگە شىعارىپ ۇلگەردى، ولاردىڭ ەشقايسىسى جارالانعان جوق.
ۆەدومستۆونىڭ اقپاراتىنشا، كولىك قۇرالى ەلەكتر سىمدارىنىڭ تۇيىقتالۋى سەبەبىنەن ورتەندى. ءورت بىردەن ءسوندىرىلدى.
