ەۋروپا ەلدەرى گەندىك وزگەرىسكە ۇشىراعان تاعام ساۋداسىنا قارسى شىعۋدا

استانا. قازاقپارات - كارى قۇرلىق ەلدەرى بىرىنەن سوڭ ءبىرى گەندىك وزگەرىسكە ۇشىراعان تاعام ساۋداسىنا قارسى شىعىپ جاتىر.

ماسەلەن فرانسيا پارلامەنتىنىڭ قوس پالاتاسى سونداي ونىمدەردىڭ يمپورتىنا قارسى داۋىس بەردى. ءتىپتى بۇل ماسەلە ستراسبۋرگتە وتكەن ەۋروپالىق كوميسسيا جيىنىندا دا كەڭىنەن تالقىلاندى. ەۋروپا گەنەتيكالىق تۇرلەندىرىلگەن تاعامعا قارسى.

بۇل باستاما اسىرەسە تابيعات جاناشىرلارى ءۇشىن ۇلكەن قۋانىش بولدى. وسىلايشا، ونداعان جىلدار بويى عالىمداردىڭ جۇرگىزگەن جۇمىستارى تەككە كەتكەلى وتىر. كارى قۇرلىقتا وسىرىلەتىن گەنەتيكالىق تۇرلەندىرىلگەن جالعىز داقىل -  جۇگەرى. كەزىندە عالىمدار ونى زيانكەستەردەن قورعاۋ ءۇشىن وزگەرتكەن ەدى. ەندى وعان دا جاپپاي تىيىم سالىنباق.

دجوۆانني لا ۆيا، ەۋروپا پارلامەنتى كوميتەتىنىڭ ءتوراعاسى:

- كەيىنگى كەزدە جاسالىپ جۇرگەن ۇسىنىستار ۇكىمەتتىك گەنەتيكالىق تۇرلەندىرىلگەن تاعام ساۋداسىنا تىيىم سالۋعا نەگىز بولا الادى. بۇلاردىڭ قاتارىندا ءۇي جانۋارلارىنا ارنالعان ازىقتار دا بار.

ءدال وسىنداي گەنەتيكالىق تۇرلەندىرىلگەن جۇگەرى تەك يسپانيادا عانا ەمەس، پورتۋگاليا مەن چەحيادا دا وندىرىلەدى. ارينە، كەيىنگى ەلدەردى ونىڭ كولەمى الدەقايدا ازداۋ. بۇدان بولەك ءدال وسىنداي ءوندىرىس رۋمىنيا مەن سلوۆاكيادا دا بار. وسىلايشا، ەۋروپا ەلدەرىنىڭ كوزقاراسى ەكىگە جارىلىپ وتىر. ياعني العاشقى تاراپ عىلىمي جەتىستىكتەرى تولىعىمەن قولدانۋدى جاقتاسا، باسقالارى گەنەتيكالىق تۇرلەندىرىلگەن تاعامدار ساۋداسىنا قارسى. ەندى بۇل ماسەلە زاڭ شەڭبەرىندە شەشىلمەك.

دجوۆانني لا ۆيا، ەۋروپا پارلامەنتى كوميتەتىنىڭ ءتوراعاسى:

- ارينە، گەنەتيكالىق تۇرلەندىرىلگەن تاعامداردىڭ ناقتى زيانى تۋرالى ەشكىم تاپ باسىپ ايتا المايدى. ءبىراق، قالاي بولماسىن، بەلگىلى ءبىر دەڭگەيدە دەنساۋلىق پەن قورشاعان ورتاعا زالالى بار.

قازىر ەندى وسى ماسەلەگە قاتىستى ەۋروكوميسسيادا پىكىرتالاس ءجۇرىپ جاتقان كەزدە، وداق قۇرامىنداعى 15 ەل گەنەتيكالىق تۇرلەندىرىلگەن تاعامدارعا تىيىم سالدى. ءبىراق ەۋرووداق ەلدەرى اراسىندا تاۋارلار ءۇشىن شەكارا اشىق بولعاندىقتان، ولار وزدەرىن قالاي ساقتاپ قالاتىنى ءالى بەلگىسىز.

www.24.kz