اۆتوبۋس تەرمينالى «وڭايدى» قازاقشالاۋعا ورىس كەمپىرلەرى كەدەرگى مە؟
وتكەندە قازاقشالاتايىق دەپ وسى ف ب- عا جازعانمىن. وسىندا ءبىراز ادام ءبولىستى. انشەيىن- اق ورىستىڭ كەمپىرلەرىنىڭ سىقسىڭداپ جىلاعانىنا دەيىن كورسەتەتىن تەلەارنالارداعى ارىپتەستەر ءۇنسىز.
الماتى قالاسىنىڭ تۇرعىنى رەتىندە «الماتى ەلەكترو كولىك» مەكەمەسىنە حابارلاستىم. جاۋاپتى مامان رەتىندە الۋا دەگەن قىزبەن بايلانىستىردى. ءمان-جايدى ءتۇسىندىرىپ ايتسام: «ق ر زاڭى بويىنشا ورىس ءتىلى رەسمي ءتىل. سوندىقتان...» دەي بەرگەنىندە «تۇتەپ» كەتتىم.
ق ر زاڭى بويىنشا مەملەكەتتىك ءتىل - قازاق ءتىلى، ياعني ءبىرىنشى ءتىل دەگەن ءسوز! ال ءبىرىنشى ءتىلدىڭ الدىنا ەكىنشى ءتىل شىعا ما؟ الگى قىزعا ءبىراز زاڭدىق تۇرعىدان ساۋات اشىپ تۇرسام: «ەگەر ءبىز قازاقشا جازىپ قوياتىن بولساق، ورىستىڭ كەمپىرلەرى شۋ شىعارادى» دەيدى. ال، وسىدان كەيىن كۇيەسىڭ بە، جاناسىڭ با؟! سوندا ءبىزدىڭ ورىستىڭ كەمپىرلەرى قۇرلى ءسوزىمىز وتپەي مە وسى ەلدە؟! تاعى دا ءوزىمدى ۇستاي الماي، انا قىزدىڭ ساۋاتىن اشۋعا تۋرا كەلدى.
سوڭىندا «الماتى قالاسى جولاۋشىلار كولىگى باسقارماسى باسشىلارى جاۋاپ بەرەدى بۇل ماسەلەگە» دەپ قۇتىلدى. ول جاققا حابارلاسقانىمدا، حاتشى قىز باسشىسىنا ەشكىمنىڭ تىكەلەي بايلانىسقا شىعا المايتىنىن ايتتى. باسقارما باسشىسى الىمبەكوۆ داۋرەن اسىلبەك ۇلىنا تۇرعىندار نارازىلىق ءبىلدىرىپ، قول قويىپ، حات جازسىن دەدى. ەندى سول حاتتى جازىپ وتىرايىق. ول حاتتى اشىپ وقيتىن ادام بار ما؟ حاتشى قىز بۇل ماسەلەگە الماتى قالاسى اكىمىنىڭ باسپا ءسوز ورتالىعى جاۋاپ بەرەدى دەپ جالتاردى اقىرى.
ايتپاقشى، وتكەندە وسى جەرگە «الماتى ەلەكترو كولىك» مەكەمەسىنىڭ تەلەفونىن (3970191) جازىپ قويعانمىن. «سىزدەن باسقا بىردە- ءبىر ادام حابارلاسىپ، قارسىلىق بىلدىرگەن جوق» دەيدى. قۇرمەتتى ف ب قولدانۋشىلار! وسى ماسەلە سىزدەردى بەي-جاي قالدىرماسا، تومەندەگى تەلەفون نومىرلەرىنە حابارلاسىپ، قارسىلىقتارىڭىزدى بىلدىرىڭىزدەر. ورىستىڭ كەمپىرلەرى قۇساپ ءوز قۇقىمىزدى قورعاپ ۇيرەنەيىك تە!
الماتى قالاسى جولاۋشىلار كولىگى باسقارماسى - 2621409؛ «الماتى ەلەكترو كولىك» 3970191؛ الماتى قالاسى اكىمدىگىنىڭ باسپا ءسوز ورتالىعى 2716513.
جادىرا نارماحانوۆانىڭ فەيسبۋكتاعى پاراقشاسىنان
ult.kz
ەسكەرتۋ: اۆتوردىڭ كوزقاراسى رەداكسيانىڭ ۇستانىمىن بىلدىرمەيدى.
