17:28, 28 - قازان 2015 | GMT +5
استانادا بۇرىنعى ايەلىن ورتەپ جىبەرگەن ق. ءسادۋوۆكە جازا كەسىلدى
استانا. قازاقپارات - استانا قالاسى قىلمىستىق ءىس جونىندەگى مامانداندىرىلعان اۋدانارالىق سوتىنىڭ ۇكىمىمەن قانات ءسادۋوۆ ق ر ق ك 99-بابى 2-بولىگى 5-تارماعىندا (اسا قاتىگەزدىكپەن كىسى ءولتىرۋ) كوزدەلگەن قىلمىستى جاساعانى ءۇشىن ايىپتى دەپ تانىلدى.
وعان قاتاڭ رەجىمدەگى تۇزەتۋ كولونياسىندا جازاسىن وتەۋمەن، 18 جىلعا باس بوستاندىعىنان ايىرۋ جازاسى كەسىلدى.
سوت قانات ءسادۋوۆتىڭ 2015 -جىلعى مامىردا استانادا №25 -مەكتەپتىڭ ماڭىندا بۇرىنعى ايەلى سۆەتلانا ءسادۋوۆانىڭ ۇستىنە بەنزين قۇيىپ، ورتەپ جىبەرگەنىن انىقتادى. الىنعان كۇيىك سالدارىنان جابىرلەنۋشى اۋرۋحانادا كوز جۇمدى.
ۇسىنىلعان دالەلدەر جيىنتىعىن باعالاپ، سوت سوتتالۋشى قاساقانا ءولتىرۋ ارەكەتىن جاساعان دەگەن تۇجىرىمعا كەلدى.
ۇكىم زاڭدى كۇشىنە ەنگەن جوق.
