وي سالاتىن ناسيحات سوزدەر

استانا. قازاقپارات - ءومىر بولعاسىن اق پەن قارانىڭ، قۋانىش پەن قايعىنىڭ قاتار ءجۇرۋى زاڭدىلىق بولىپ ەسەپتەلەدى.

 ءبىز بۇل جازبامىزدا ومىردە قاجەت بولاتىن ءبىر توپ قاناتتى ءسوزدى ۇسىنۋدى ءجون كورىپ وتىرمىز.

1. ەشقاشان ساراڭ بولماڭىز - ەكىنشى مۇمكىندىك بەرىڭىز. ءبىراق ەشقاشان ءۇشىنشى رەت مۇمكىندىك بەرەتىن اقىماق بولماڭىز.

2. ءبىر قاتەلىكتى ەكى رەت قايتالاۋعا بولمايدى. ەكىنشى رەت - قاتەلىك بولىپ ەسەپتەلمەيدى. ول - تاڭداۋ.

3. ەگەر قاتتى جانە ءتاتتى ۇيىقتاعىڭىز كەلسە، وزىڭىزبەن بىرگە توسەككە تازا ارىڭىزدى الىپ جاتىڭىز.

4. ومىرلىك سۇراقتارعا كەلگەندە ەر ادام بەرىك، قاتتى بولعانمەن، ءوزىنىڭ ايەلىنە جۇمساق بولۋى كەرەك.

5. ءسوز - كىلت سەكىلدى. رەتىن تاۋىپ، كەز كەلگەن جۇرەكتىڭ قۇلپىن اشۋعا جانە كەز كەلگەن اۋىزدى جابۋعا بولادى.

6. ءسىزدى تەك جوعارىعا قاراي جەتەلەيتىن جاندارمەن دوس بولىڭىز. سەبەبى تومەنگە تارتقىسى كەلەتىن ادامدار تولىپ جاتىر.

7. ەگەر ومىردە ءاردايىم كۇلىمدەپ جۇرسەڭىز، ءومىر دە سىزگە كۇلىپ قارايتىن بولادى.

8. وزىڭىزدەگى وزگەرىستى بايقاۋ ءۇشىن ەش نارسە وزگەرمەگەن جەرگە بارعان دۇرىس شىعار.

9. ءسىز بيىككە كوتەرىلىپ كەلە جاتقاندا كوپتەگەن ادامدى كەزدەستىرەسىز. ءبىراق ولاردى رەنجىتپەڭىز. ويتكەنى تومەن قۇلاپ كەلە جاتقاندا دا ولاردى كەزدىستىرۋىڭىز عاجاپ ەمەس.

10. دۇرىس جولعا ءتۇسۋ ءۇشىن الدىمەن اداسىپ كورۋ كەرەك.

11. الما اعاشىن شايقاۋدىڭ قاجەتى جوق. ول پىسكەننەن كەيىن ءوزى- اق تۇسەدى. ومىردە ءبارى وسى سەكىلدى ءوز ورنىمەن، ءوز ۋاقىتىمەن بولادى.

12. باسىڭىزعا تۇسكەن بارلىق اۋىرتپاشىلىقتاردىڭ سالدارىنان شىداي الماي كەتەتىن كەزدەر بولادى. ءبىراق ەشقاشان شەگىنبەڭىز، بەرىلمەڭىز. ويتكەنى ءدال وسى كەزدە تاعدىرىڭىز كۇرت وزگەرىپ كەتۋى مۇمكىن.

13. اشى شىندىقتى ايتۋ ءۇشىن عانا اسقان باتىلدىق كەرەك.

14. قولداعى بارىڭىزدى باعالاي ءبىلۋىڭىز كەرەك. ايتپەسە، ەرتەڭ ودان دا ايىرىلاتىن كۇن تۋادى.

15. ءبارى دە مۇمكىن. ال مۇمكىن ەمەس بولىپ كورىنەتىن نارسەلەرگە تەك كوبىرەك ۋاقىت كەرەك.

16. بىرەۋلەرگە اشۋلانعان ءار مينۋتىڭىزدا ءسىز ەندى ەشقاشان ورالمايتىن 60 سەكۋند باقىتتان ايرىلاسىز.

17. ەڭ باستىسى - وزىڭىزگە- ءوزىڭىز وتىرىك ايتپاڭىز.

18. ءوزىڭىزدى شىنايى باعالاي بىلەتىن، سۇيەتىن، قۇرمەت تۇتاتىن ادامدى عانا سىيلاساڭىز بولادى.

19. دوستاردى تەك ۇرىس- كەرىستە جوعالتامىن دەپ ويلاماڭىز. ولاردى ۋاقىت ءوزى ىرىكتەپ بەرەدى.

20. ەڭ ۇلكەن قيىندىق - كۇتۋ.

21. ادامدارعا ءاردايىم اقىل- كەڭەس كەرەك ەمەس. كەيدە كومەك كورسەتەتىن قول مەن بارلىعىن تۇسىنەتىن جۇرەك كەرەك.

22. بۇگىن ۋاقىتىڭىز جوق، ەرتەڭ كۇشىڭىز قالمايدى، ال ارعى كۇنى ءوزىڭىز بولمايسىز. سوندىقتان ەش نارسەنى كەيىنگە قالدىرماڭىز.

 23. ادامدار نە ويلاسا ونى ويلاسىن، ەڭ باستىسى ءسىز ءوز جولىڭىزبەن ءجۇرىڭىز.

 24. جاۋاپكەرشىلىك پەن شىنايىلىق -  ەڭ قىمبات قاسيەت. ونى ارزان ادامداردان كۇتۋدىڭ قاجەتى جوق.

 25. شىندىقتى بەتكە ايتا الاتىن ادامدار عانا زور قۇرمەتكە لايىق.

massaget.kz