قىرعىزستان پرەزيدەنتى ەل ۇكىمەتىن وتستاۆكاعا جىبەردى

استانا. قازاقپارات - قىرعىزستان باسشىسى المازبەك اتامبايەۆ «قىرعىز رەسپۋبليكاسى ۇكىمەتىنىڭ وتستاۆكاسى تۋرالى» جارلىققا قول قويدى.

بۇل تۋرالى ق ر پرەزيدەنتىنىڭ رەسمي سايتىنان حابارلايدى.

«جارلىققا سايكەس، قىرعىز رەسپۋبليكاسى جوگوركۋ كەنەشىنىڭ جاڭا VI شاقىرىلىمى قىزمەتىنىڭ باستالۋىنا، قىرعىز رەسپۋبليكاسى جوگوركۋ كەنەشى بۇرىنعى شاقىرىلىمى وكىلەتتىگىنىڭ توقتالۋىنا بايلانىستى جانە تيىسىنشە قىرعىز رەسپۋبليكاسى جوگوركۋ كەنەشىنىڭ «قىرعىزستان سوتسيال-دەموكراتيالىق پارتياسى»، «ار- نامىس» جانە «اتا-مەكەن» فراكسيالارىنىڭ اراسىندا 2014 -جىلعى 31 -ناۋرىزداعى كواليتسيالىق كەلىسىمنىڭ نەگىزىندە قالىپتاسقان «مەملەكەتتىلىكتى نىعايتۋ ءۇشىن» كواليتسياسىنىڭ پارلامەنتتىك كوپشىلىك مارتەبەسىنىڭ جويىلۋىنا بايلانىستى قىرعىز رەسپۋبليكاسى كونستيتۋتسياسىنىڭ 65-بابى، 84-بابىنىڭ 7-بولىمىنە، قىرعىز رەسپۋبليكاسىنىڭ «ق ر ۇكىمەتى تۋرالى» كونستيتۋتسيالىق زاڭىنىڭ 1- ءبولىمىنىڭ 1-تارماعى جانە 13-بابىنىڭ 4-بولىمىنە سايكەس قاۋلى ەتىلەدى: 1. قىرعىز رەسپۋبليكاسىنىڭ ۇكىمەتى وتستاۆكاعا كەتتى دەپ سانالسىن»، - دەلىنگەن قۇجات ماتىنىندە.