قىتاي بيلىگى قىلمىسقا بايلانىستى انىقتامانى ەشقاشان بەرمەيتىن بولدى
سونىڭ 14 ى «زاڭعا قايشى قىلمىسىنىڭ بار نەمەسە جوقتىعى» جونىندەگى انىقتاما. وندا اتالعان انىقتامانى نە سەبەپتى بۇدان بىلاي جەكە تۇلعانىڭ وزىنە بەرمەيتىندىگى (بۇرىن قىتايدىڭ ءوز ىشىندە ەرەكشە قاجەت بولعان نەمەسە ازاماتتىڭ جەكە باسىنا بايلانىستى كۇدىك-كۇمان تۋىنداعان جاعدايدا عانا بەرىلىپ كەلگەن) جونىندەگى قۇزىرەتتى مينيسترلىك بىلايشا ءتۇسىندىرىپتى: «كەز-كەلگەن جەكە تۇلعانىڭ قىلمىسقا قاتىستىلىعى جونىندەگى مالىمەت قوعامدىق قاۋىپسىزدىك مەكەمەلەرىنىڭ ىشكى شارۋاسى، سول سەبەپتى، مەملەكەتتىك اكىمشىلىك جانە ادىلەت مەكەمەلەرى جەكە تۇلعانىڭ ساياسي تولىمدىلىعىن تەكسەرگىسى جانە دە جەكە تۇلعاعا قاتىستى باسقا دا جاعداياتتاردى انىقتاعىسى كەلسە، ال، كاسىپ ورىندار مەن قوعامدىق مەكەمەلەر ءوز قاراماعىنداعى اسا ماڭىزدى دەگەن لاۋازىمدى ورىندارعا تاعايىنداماقشى بولعان جەكە ادامدار جايلى تولىق ماعلۇمات العىسى كەلسە، تەكسەرۋ وكىلەتتىگى بار قۇزىرەتتى ادامدارىن جۇمساپ، ارنايى قىزمەتتىك كۋالىگىمەن جانە اتالعان مەكەمەلەردىڭ ارنايى قاتىناس حاتىمەن كەلگەن جاعدايدا عانا بەرىلۋى مۇمكىن» دەي كەلە: «ال، جەكە تۇلعانىڭ ءوز قولىنا اتالعان انىقتاما بۇدان بىلاي ەشقاشان بەرىلمەيدى» - دەپ ءبىر-اق كەسىپتى.
ق ح ر- سى قوعامدىق قاۋىپسىزدىك مينيسترلىگىنىڭ اتالعان بۇيرىعىنا سايكەس، قىتايدان ەلگە ورالاتىن اعايىندار ق ر- سى ىشكى ىستەر ورگاندارىنىڭ تالابىن ورىندايمىن دەپ ەندىگى جەردە «قىلمىستىق جاعدايعا بايلانىستى انىقتامانى» قىتايدىڭ قۇزىرەتتى ورگاندارىنان سۇراپ بوس اۋرەگە تۇسپەگەنى ءجون. جالعان انىقتاما اكەلىپ، جازىقتى بولۋدان ءتىپتى دە ساق بولىڭىزدار، اعايىن!
راقىم ايىپ ۇلى
«قامشى» سىلتەيدى
