قازاقستان مەن تۇركيانىڭ شيكىزاتتىق ەمەس سەكتورلاردا ىنتىماقتاستىعىن كەڭەيتۋ ماڭىزدى - ق ر پرەزيدەنتى
بۇگىن اقوردادا ەلباسى نۇرسۇلتان نازاربايەۆ ءبىرقاتار ەلدىڭ ەلشىلەرىنەن سەنىم گراموتالارىن قابىلداۋ كەزىندە وسىلاي دەپ ءمالىم ەتتى.
«باۋىرلاس تۇركيامەن ىنتىماقتاستىق قازاقستاننىڭ سىرتقى ساياساتىنىڭ باسىم باعىتىنىڭ ءبىرى بولىپ تابىلادى. ءبىز باۋىرلاستىق پەن ىنتىماقتاستىق ءداستۇرىن جالعاستىرىپ، ونىڭ ساباقتاستىعىن ساقتاۋعا، ءوزارا سەنىمنىڭ ستراتەگيالىق سەرىكتەستىكتى نىعايتۋعا نيەتتىمىز»، - دەدى ەلباسى.
وسى ورايدا پرەزيدەنت قازاقستاندا تۇرىك كومپانيالارى تابىستى جۇمىس جۇرگىزىپ جاتقانىن اتاپ ءوتتى.
«ەكونوميكانىڭ شيكىزاتتىق ەمەس سەكتورلارىندا ىنتىماقتاستىق اياسىن كەڭەيتە ءتۇسۋ ماڭىزدى»، - دەدى ن. نازاربايەۆ.
ءوز كەزەگىندە سەنىم گراموتالارىن تاپسىرۋ راسىمىنەن كەيىن تۇركيانىڭ ەلشىسى نيەۆزات ۋيانىك وسى بەدەلدى قىزمەتىن اتقارۋ بارىسىندا باۋىرلاس ەلدەر اراسىندا ورناعان جوعارى قارىم- قاتىناستى ودان ارى قاراي نىعايتۋ جولىندا بارشا كۇش- جىگەرىن جۇمسايتىندىعىن اتاپ ءوتتى.
اۆتور: رۋسلان عابباسوۆ
