قىتايدا بانك توناعان ميللياردەر تۇتقىندالدى

استانا. قازاقپارات - قىلمىسكەر ارام جولمەن تاپقان اقشاسىن جەكە بيزنەسىنە سالىپ، ۋاقىت وتە كەلە اقشالى الپاۋىتتاردىڭ بىرىنە اينالعان.

حىنان پروۆينتسياسى قىتايلىق چجۋماديان قالاسىنىڭ پوليتسياسى شي اتتى ميللياردەردى تۇتقىندادى، ول تەرگەۋ دەرەكتەرىنە سايكەس 16 جىل بۇرىن بانك توناعان.

 پوليتسياعا سىلتەمە جاساپ شينحۋا اگەنتتىگى حابارلاعانداي، جىلجىمايتىن مۇلىك سالاسىندا جاعدايىن جاقسارتقان وليگارحتى ءبىر اپتا بۇرىن ۇستاعان، الايدا ول بۇگىن عانا بەلگىلى بولدى. ونىمەن بىرگە پوليتسيا ونىڭ ءۇش سىبايلاسىن قولعا ءتۇسىردى. سوڭعى قاتىسۋشىنى ءۇش كۇن كەيىنىرەك ۇستاعان.

ولار ۇرلىقتى 1999 - جىلعى 5 - جەلتوقساندا جاساعان. قاسكۇنەمدەر ەكى ميلليون يۋاندى (320 مىڭ دوللار) الىپ كەتكەن. سول كەزدە ەلدىڭ جاعاسىن ۇستاتقان قىلمىس بۇگىنگە دەيىن اشىلماعان ەدى.

تەرگەۋشىلەردىڭ پىكىرىنشە، شي ۇرلىق جاساۋعا باستاماشىلىق ەتكەن.