استانانى جاپوندىق ساۋلەتشىنىڭ جوبالاعانىن ەرەكشە ماقتانىش تۇتامىن - سيندزو ابە - فوتو

استانا. قازاقپارات - جاپونيا پرەمەر- ءمينيسترى سيندزو ابە قازاقستاننىڭ استاناسىن جاپوندىق ساۋلەتشى كيسە كۋروكاۆانىڭ جوبالاعانىن ەرەكشە ماقتانىش تۇتادى.

 ول مۇنداي پىكىردى كەشە استانادا وتكەن قازاقستان- جاپونيا بيزنەس فورۋمى بارىسىندا مالىمدەدى.

 «مەن كەشە كەشكىسىن تۇنگى استانانىڭ اسەمدىگىنە ۇشاقتىڭ بورتىندا وتىرىپ- اق ءسۇيسىندىم، ەلوردانىڭ قالا قۇرىلىس جوسپارىنا جاپوندىق ساۋلەتشى كيسە كۋروكاۆانىڭ قوسقان ۇلەسى زور ەكەنىن ويلاعاندا، ول ءۇشىن مەنىڭ كەۋدەمدى ماقتانىش كەرنەدى. كۋروكاۆا استانانىڭ حالىقارالىق اۋەجايىن دا جوبالاعان. مەن وندا قازاقستان مەن جاپونيانىڭ سۇلۋلىق سەزىمدەرى ۇيلەسىمدى تۇردە شوعىرلانعان دەپ ويلايمىن»، - دەدى جاپونيا پرەمەرى فورۋم بارىسىندا.

 بۇدان بولەك، مارتەبەلى مەيمان قازاقستاننىڭ ونەركاسىپتى سارالاندىرۋ مەن شاعىن بيزنەستى دامىتۋعا باعىتتالعان ساياساتىن دا، جۇرگىزىلىپ جاتقان ەكونوميكالىق رەفورمالارىن دا وڭ باعالادى.

اۆتور: قانات مامەتقازى ۇلى