ك. ءماسىموۆ جاپون تاراپىمەن جاسالعان بارلىق كەلىسىمدەردىڭ جۇزەگە اساتىنىنا سەنىم ءبىلدىردى
بۇل تۋرالى primeminister.kz حابارلادى.
كەزدەسۋ بارىسىندا تاراپتار ەكى جاقتى ساۋدا- ەكونوميكالىق، ينۆەستيتسيالىق جانە تەحنولوگيالىق ءوزارا ءىس- قيمىلدى كەڭەيتۋ ماسەلەلەرىنىڭ كەڭ اۋقىمىن تالقىلادى.
ك. ءماسىموۆ قوناقجاي قازاق جەرىنە كەلگەن س. ابەنى قوشەمەتتەپ، ونىڭ ساپارى ەكى ەل اراسىنداعى ىنتىماقتاستىقتى ستراتەگيالىق سەرىكتەستەستىك رەتىندە ودان ءارى دامىتۋعا جاڭا سەرپىن بەرەتىنىنە سەنىم ءبىلدىردى.
«بۇگىن ءسىز ەلىمىزدىڭ پرەزيدەنتىمەن ناتيجەلى كەلىسسوزدەر جۇرگىزدىڭىز. ەلدەرىمىزدىڭ ۇكىمەتتەرى قول جەتكىزىلگەن كەلىسىمدەردىڭ بارلىعىن ورىندايتىنىنا سەنىمدىمىن»، - دەدى ك. ءماسىموۆ.
ءوز كەزەگىندە س. ابە استاناعا قازاقستان- جاپونيا بيزنەس- فورۋمىنا قاتىسۋعا جاپونيانىڭ اسا ءىرى كومپانيالارىنىڭ باسشىلارى كەلگەندىگىن اتاپ ءوتتى. «اتالعان ءىس- شارا اياسىندا ناقتى ناتيجەلەرگە قول جەتكىزەمىز دەگەن ويدامىن»، - دەپ باسا ايتتى ول.
كەلىسسوزدەر قورىتىندىسى بويىنشا ۇكىمەت باسشىلارىنىڭ قاتىسۋىمەن ىنتىماقتاستىق تۋرالى ءبىرقاتار مەموراندۋمدار مەن كەلىسىمدەرگە قول قويىلدى.
