جۇمىسقا دەگەن قۇشتارلىق دەنساۋلىقتى نىعايتادى - عالىمدار
ماماندار ەگدە جاستاعى قاريالارعا كۇتىم جاسايتىن 5000 قىزمەتكەرلەردى باقىلاي كەلە وسىنداي تۇجىرىم جاسادى. عالىمدار ءوز ۇيىمىنا جان-تانىمەن بەرىلگەن قىزمەتكەردىڭ دەنساۋلىعى الدەقايدا مىقتى ەكەنىن بايقادى. سونداي-اق مۇنداي قىزمەتكەرلەر باسقالارعا قاراعاندا سيرەك اۋىرادى جانە ۇيقىسى بۇزىلمايدى. عالىمدار بۇل تۇجىرىمداما قىزمەتكەرلەردىڭ جۇمىستان «كۇيىپ كەتۋدەن» قورعاپ قالۋعا كومەگىن تيگىزەدى دەگەن سەنىمدە.
سونداي-اق، گارۆارد ۋنيۆەرسيتەتىنىڭ ماماندارى جاقىندا تاجىريبە جۇرگىزىپ، مىناداي جاڭالىق اشقان بولاتىن: باسشىسىنان ءجيى ماقتاۋ ەستىگەن جۇمىسشى ءوز مىندەتىن قۇشتارلانا اتقارىپ، قىزمەتىنەن كەتۋگە قۇلشىنىس تانىتپايدى. سول سەبەپتى ماماندار باسشىلارعا قول استىنداعى قىزمەتكەرلەرىن كوبىرەك ماداقتاپ، كەمشىلىكتەرىن بەتىنە باسپاۋعا كەڭەس بەرەدى. بۇل ۇلكەن ناتيجەگە قول جەتكىزەدى، دەپ جازادى 7sunews.kz.
