قىستا استانا قالا تۇرعىندارىن قۋانتپاق

استانا. قازاقپارات - قىس ماۋسىمىندا ەلوردا تۇرعىندارى، اسىرەسە، كىشكەنتاي بالالار ءۇشىن ءداستۇرلى تۇردە مۇز ايدىندار، سىرعاناقتار اشىلادى.

اتاپ ايتقاندا، «حان شاتىر» و س و الدىنداعى الاڭدا قالاداعى ەڭ ۇلكەن مۇز ايدىنى پايدا بولادى، ەلوردانىڭ باس شىرشاسى دا وسىندا ورناتىلادى.

استانا قالاسى اكىمدىگى جانىنداعى الاڭ مەن ەسىل وزەنى جاعالاۋىندا دا مۇز ايدىنى مەن سىرعاناقتار اشىلادى. سونىمەن قاتار ءتۇرلى مۇسىندەر ورناتىلاتىن قىسقى قالاشىق بوي كوتەرمەك. ەلوردا مەكتەپتەرىنىڭ اۋلاسىندا قوسىمشا 11 مۇز ايدىنى جاسالادى، دەپ حابارلايدى astana.kz.

قالا تۇرعىندارى مەن قوناقتارى ءۇشىن جەكە تۇرعىن الاپتارى مەن كەشەندەرىندە، اقبۇلاق وزەنىنىڭ بويىندا، «جەرۇيىق» ساياباعىندا جانە وقۋشىلار سارايى ماڭىندا وسىنداي سىرعاناقتار پايدالانۋعا بەرىلەدى.

قالا تۇرعىندارىنىڭ ىڭعايلىلىعى ءۇشىن پريگورودنىي، يلينكا جانە زارەچنىي ەلدى مەكەندەرىندە دە ارنايى مۇز ايدىندار اشىلماق. «اراي» ساياباعىندا، «كوكتال تۇرعىن الابىنداعى «ناز» تەاترى الدىندا جانە ءوندىرىس ەلدى مەكەنىندەگى 49№  ورتا مەكتەپتىڭ جانىندا دا ءوز ۋاقىتتارىن ءتيىمدى وتكىزە الادى.

قىسقى استانا بەلسەندى دەمالىسقا قۇمار قالا تۇرعىندارى مەن قوناقتارى ءۇشىن ءتۇرلى قىزىققا تولى بولماق.