04:31, 28 - قازان 2015 | GMT +5
سەناتور ي. ادىربەكوۆ ب ۇ ۇ-نىڭ ادام قۇقىقتارى جونىندەگى ايماقتىق وكىلىمەن كەزدەستى
استانا. قازاقپارات - 27 -قازاندا پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى يكرام ادىربەكوۆ ب ۇ ۇ ادام قۇقىقتارى جونىندەگى جوعارعى كوميسسار باسقارماسى ايماقتىق وكىلىنىڭ مىندەتىن اتقارۋشى ەليزابەت دا كوشتامەن كەزدەستى.
سەناتور قازاقستان ادام قۇقىقتارىن قولداۋ جانە قورعاۋ سالاسىنداعى حالىقارالىق ىنتىماقتاستىق قاعيدالارىنان اينىمايتىنىن اتاپ ءوتتى.
ە. دا كوشتا ا ق ج ك ب- نىڭ ورتالىق ازياداعى ايماقتىق وكىلدىگىنىڭ جۇمىسى تۋرالى جان-جاقتى حاباردار ەتتى.
تاراپتار قازاقستاننىڭ مەملەكەتتىك ورگاندارى مەن ا ق ج ك ب- نىڭ ورتالىق ازياداعى ايماقتىق وكىلدىگىنىڭ ناتيجەلى ىنتىماقتاستىعىن اتاپ ءوتتى.
ي. ادىربەكوۆ ادام قۇقىقتارى جونىندەگى ۇلتتىق ينستيتۋتتار مەن ۇكىمەتتىك ەمەس ۇيىمدارعا كورسەتىلگەن تەحنيكالىق جانە كەڭەستىك تۇرعىداعى كومەگىنە وراي ا ق ج ك ب- گە ريزاشىلىق ءبىلدىردى.
اۆتور: سەرىك قاراجان
