18:11, 27 - قازان 2015 | GMT +5
ماسكەۋ ورتالىق مەشىتىندەگى جۇما نامازىنا تۇركيا ءمۇفتيى يمامدىق ەتەدى
استانا. قازاقپارات - 30 - قازان كۇنى ماسكەۋ قالاسىنا تۇركيا ءدىن ىستەرى باسقارماسىنىڭ ءتوراعاسى، پروفەسسور مەحمەت گەرمەز ىسساپارمەن بارىپ قايتادى.
تۇركيا ءمۇفتي رەسەي استاناسىندا عالىمجان بارۋدي اتىنداعى «قۇران ىزگىلىگى - مۇسىلمان ورلەۋىنىڭ ىرگەستاسى» اتتى VIII حالىقارالىق ءدىني كونفەرەنتسياعا قاتىسىپ، بايانداما جاسايتىن بولادى. بۇعان قوسا، ول قاسيەتتى جۇما كۇنى ماسكەۋ ورتالىق مەشىتىندە يمامدىققا شىعاتىن بولادى.
ءدىن عىلىمدارىنىڭ دوكتورى مەحمەت گەرمەز ماسكەۋ قالاسىندا بولعان ۋاقىتتارىندا ءدىني تاقىرىپتاردا دارىستەر وتكىزۋ جوسپارلانعان.
