تەمەكى شەككەن قىزىن اكەسى سويىلمەن ۇرىپ، سوققىعا جىقتى

استانا. قازاقپارات - رەسەيدىڭ كراسنويارسكىدەگى كيروۆ اۋدانى اۋرۋحاناسىنا 14 جاستاعى جاس ءوسپىرىم قىز جەتكىزىلدى.

ول جابىق مي جاراقاتىن العان. دارىگەرلەر پوليتسيا شاقىردى.

ولار قىزعا اكەسىنىڭ قول جۇمساعانىن انىقتادى.

39 جاستاعى ەر ادام ۇستالدى. ول قىزىن تەمەكى شەگىپ تۇرعان كەزدە ۇستاپ العانىن ايتقان. ونى جونگە كەلتىرۋ ءۇشىن بەيسبول تاياقشاسىمەن ۇرعان بولىپ شىقتى.

قۇقىق قورعاۋ ورگاندارى ونىڭ ۇستىنەن قىزىنىڭ دەنساۋلىعىنا اۋىر زيان كەلتىرگەنى ءۇشىن قىلمىستىق ءىس قوزعادى. ماسەلەنىڭ ءمان- جايى انىقتالۋدا.

كۇدىكتى بۇدان بۇرىن سوتتى بولعان. الايدا وتباسى الەۋمەتتىك قىزمەت نازارىنا ىلىكپەگەن، دەپ حابارلايدى piter.tv.