ن. نازاربايەۆ پەن س. ابە قازاقستان- جاپونيا بيزنەس فورۋمىن اشتى

استانا. قازاقپارات - استانادا ق ر پرەزيدەنتى نۇرسۇلتان نازاربايەۆ پەن جاپونيا پرەمەر- ءمينيسترى سيندزو ابەنىڭ قاتىسۋىمەن قازاقستان- جاپونيا بيزنەس فورۋمى باستالدى.

ءىس- شاراعا اۆتوكولىك جاساۋ، اۆياتسيا جانە عارىشكەرلىك، ەلەكترونيكا، حيميا ونەركاسىبى، قارجى جانە جىلجىمايتىن مۇلىك، ەكسپەديتسيالاۋ، جۇك تاسىمالى، ازىق- تۇلىك، دەنساۋلىق ساقتاۋ سالالارىن قامتيتىن 100 دەن استام ءىرى كومپانيا قاتىسۋدا.

فورۋم اياسىندا قازاقستان مەن جاپونيانىڭ ينۆەستيتسيالىق مۇمكىنشىلىكتەرى، ەكى ەلدىڭ شەتەلدىك ينۆەستورلارىن مەملەكەتتىك قولداۋ شارالارى تانىستىرىلماق. سونىمەن قاتار فورۋم اياسىندا قازاقستاندىق- جاپوندىق ينۆەستيتسيالىق جوبالاردىڭ كورمەسى وتكىزىلۋدە.

سونداي- اق تاراپتار الداعى ساۋدا- ەكونوميكالىق جانە ينۆەستيتسيالىق ىنتىماقتاستىق ماسەلەلەرىن تالقىلايتىن بولادى.

فورۋم قورىتىندىسى بويىنشا ەكىجاقتى قۇجاتتارعا، ونىڭ ىشىندە اۋىل شارۋاشىلىعى جانە اۋىل شارۋاشىلىعىنداعى ماشينا جاساۋ سالاسىن قايتا قارجىلاندىرۋ، اۆتوكولىك تەرمينالىن جاساۋ جانە وزگە دە تاقىرىپتار بويىنشا مەموراندۋمعا قول قويىلادى.

  

 اۆتور: جاسۇلان جولدىبايەۆ