ەكسپو كومپانياسىنىڭ ەكس- باسشىسى ت. ەرمەگيايەۆتى ءۇي قاماۋىندا ۇستاۋ مەرزىمى ۇزارتىلدى
بۇل تۋرالى بۇگىن سەناتتا جۋرناليستەرگە بەرگەن سۇحباتىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى اليك شپەكبايەۆ ءمالىم ەتتى.
«وعان ءۇي قاماۋىندا ۇستاۋ مەرزىمى ۇزارتىلدى. قازىر ىسپەن تانىسۋ پروتسەسى ءجۇرىپ جاتىر. مەنىڭ بىلۋىمشە، مەرزىم قاراشا ايىنا دەيىن ۇزارتىلعان»، - دەدى اگەنتتىك ءتوراعاسىنىڭ ورىنباسارى.
ايتا كەتەرلىگى، قازىرگى ۋاقىتتا اتالعان ءىس بويىنشا 8 دەن اسا كۇدىكتى وزدەرىنە تاعىلعان ايىپ نەگىزىندەگى ءىس ماتەريالدارىمەن تانىسىپ شىققان. بۇل ولاردىڭ قۇقىعىنىڭ ءبىرى.
«سونىمەن بىرگە ەگەر ولار ىسپەن تانىسۋ مەرزىمىن قاساقانا سوزاتىن بولسا، وندا بەلگىلى ءبىر كەستە جاسالادى، بۇل دا پروكۋراتۋرانىڭ كەلىسىمىمەن. ارينە، ەگەر ولار بۇل ماسەلەنى ادەيىگە سوزا تۇسەتىن بولسا»، - دەپ ءتۇسىندىردى اليك شپەكبايەۆ.
ەستەرىڭىزگە سالا كەتەيىك، «استانا ەكسپو-2017» ۇلتتىق كومپانياسىنىڭ بۇرىنعى باسشىسىنا ق ر ق ك- ءنىڭ 176-بابىنىڭ 4-بولىگىندەگى «ب» تارماقشاسىمەن قاراستىرىلعان اۋىر قىلمىستاردى بىرنەشە رەت قاساقانا جاسادى دەگەن كۇدىك كەلتىرىلگەن ەدى.
12- ماۋسىمدا استانا قالاسىنداعى 2№ الماتى اۋداندىق سوتىنىڭ شەشىمىنەن تالعات ەرمەگيايەۆ 2 ايلىق مەرزىمگە ءۇي قاماۋىنا الىنعان بولاتىن. ال بۇعان دەيىن ءۇي قاماۋىندا ۇستاۋ مەرزىمى بىرنەشە رەت ۇزارتىلىپ كەلەدى.
اۆتور: قانات مامەتقازى ۇلى
