وتىزداعى قىزدار عانا بىلەتىن شىندىق
1№ شىندىق
جاسىڭىز جيىرما بىرگە كەلىپ، ءوزىڭىزدى ەرەسەك ادامداي سەزىنسەڭىز دە، ءسىز ءالى بالاسىز. مۇنى جاسىڭىز وتىزعا جەتىپ، اتا-اناڭىزدان وزگە ۇلكەن كىسىلەرمەن ءتىل تابىسا بىلگەن كەزدە تۇسىنە باستايسىز. دالىرەك ايتقاندا 21 جاسىڭىزدا كىشكەنە ەمبريون بولساڭىز، 27 جاسىڭىزدا بالاقايسىز.
2№ شىندىق
جاس ۇلعايعان سايىن دەنساۋلىق ناشارلايتىنىن تۇسىنگەندىكتەن، 30 جاسقا كەلگەندە دەنەڭىزگە ەرەكشە كۇتىم جاسايسىز. جاستىق شاعىندا تۇنگى كلۋبتان شىقپاي، توي-دۋماننان قولى تيمەگەن ادام مەن بار ۋاقىتىن ءبىلىم-عىلىمعا ارناعان ادامنىڭ ايىرماشىلىعىن كورە باستايسىز. العاشقىلارى كوڭىلىڭىزدەن شىقپاۋى مۇمكىن.
3№ شىندىق
30 جاسقا كەلگەندە تاڭداۋدى تەك قانا ءوزىڭىز جاسايسىز. دوستارىڭىزبەن قاتار وتىرىپ ىشىمدىك ءىشىپ نەمەسە ەشكىمنىڭ پىكىرىنە قاراماستان، بارىنەن باس تارتۋىڭىز مۇمكىن.
4№ شىندىق
شىن مانىندە قارتايۋدىڭ دا وزىندىك جاقسى تۇستارى بار. جاسىڭىز ۇلعايعان سايىن جالعىزدىقتى اڭساپ، جالعىز باقىتتى بولۋعا بولاتىنىنا كوزىڭىز جەتەدى. بۇل وتباسىلىق ومىردەن باس تارتۋ دەگەن ءسوز ەمەس. بار بولعانى ءسىز ەشكىمنىڭ اسەرىنسىز، وزدىگىڭىزدەن باقىتتى بولا الاسىز. كەمشىلىكتەرىڭىزدى سول كۇيىندە قابىلدايسىز.
5№ شىندىق
ءبىر كەزدە جۇرەگىڭىزدى جارالاعان ماحاببات اقىلدى ايەلگە اينالدىرادى. بۇرىنعى جىگىتىڭىزگە قاراعاندا جاقسى ادامدى جولىقتىراتىنىڭىزعا سەنىمدى بولعاندىقتان، ونىڭ بارلىعىن جاۋاپسىز ماحاببات دەۋگە بولمايدى.
6№ شىندىق
جاسىڭىز ۇلعايعان سايىن تۋعان-تۋىسقاندارىڭىزدى ىزدەپ، ولارعا جانە وزىڭىزگە قامقورلىق تانىتۋىڭىز كەرەكتىگىن تۇسىنەسىز. وزگەنىڭ ءومىرى ءسىزدى مۇلدەم قىزىقتىرمايدى.
7№ شىندىق
30 جاسقا كەلگەندە جاستىق شاعىڭىزدا ارتىق سالماق ءۇشىن الاڭداپ، جاتتىعۋ زالىنا بارىپ، ءار مينۋت سايىن كوسمەتيكا جاققان ارەكەتتەرىڭىز وزىڭىزگە كۇلكىلى بولىپ كورىنەدى. قۇندىلىقتارىڭىز وزگەرە باستايدى.
8№ شىندىق
30 جاسقا كەلگەندە باستىعىڭىزعا جاعىمپازدانۋدى دوعارىپ، قالاعان ۋاقىتىڭىزدا كەزەكتى دەمالىس الاسىز. ال الدىڭىزدان پىكىرىڭىزدى سىيلامايتىن ادامدار شىعىپ جاتسا، ءومىردىڭ تىم قىسقا ەكەنىن ءبىلىڭىز.
9№ شىندىق
اقشانىڭ ومىرىڭىزدە قانداي ءرول اتقاراتىنىنا دۇرىس باعا بەرىپ، تەك سەنىمدى دەگەن ادامدارمەن عانا دوستاسۋعا تىرىساسىز. تانىمايتىن ادامدارعا تولى ۇلكەن توي-دۋمانداردان، جاقىن ادامدارىڭىز عانا جينالعان كەشتەردى ارتىق كورەسىز.
10№ شىندىق
بيولوگيالىق جاسىڭىز وتىزعا كەلگەن بولسا، جوعارىدا نە تۋرالى جازعانىمىزدى جاقسى تۇسىنەسىز. ال وتپەلى كەزەڭدە ءسىز اينالاڭىزداعىلاردىڭ پىكىرىنە تاۋەلدى بولىپ، 30 جاسقا كەلگەندە ولاردىڭ ءسىز تۋرالى مۇلدەم ويلاماعانىن تۇسىنە باستايسىز.
massaget.kz
