فۋتبولدىڭ ءبىز بىلە بەرمەيتىن ەرەجەلەرى
ونىڭ كوبىن ءبىلىپ، كوبىن بىلە دە بەرمەيمىز. ەندەشە جاسىل الاڭداعى تەڭبىل تارتىسىنىڭ ءبىز بىلە بەرمەيتىن ەرەجەلەرىمەن تانىس بولا وتىرىڭىزدار.
ەگەر ويىن باستالماس بۇرىن ويىنشى قارسىلاسىن تەۋىپ جىبەرسە، الاڭنان قۋىلادى. دەگەنمەن جاتتىقتىرۋشى الاڭنان قۋىلعان فۋتبولشىنى باسقا ويىنشىمەن الماستىرا الادى.
ەگەر ويىنشى قارسىلاسىن الاڭعا شىقپاي تۇرىپ تەۋىپ جىبەرسە، وعان قىزىل قاعاز كورسەتىلمەيدى. فۋتبولشى ويىنعا شىعا بەرەدى. ءبىراق بۇل جايت ەرەجە بۇزۋ رەتىندە حاتتاماعا ەنگىزىلەدى.
گول سوققان ويىنشى جەيدەسىن شەشىپ، الاڭ جيەگىندەگى بوگەتتەن سەكىرىپ كەتسە، ەكى سارى قاعاز كورسەتىلىپ، بىردەن ويىننان قۋىلادى.
ويىن بارىسىندا قاقپاشى مەن قورعاۋشى جەيدەلەرىن الماستىرىپ، «جاڭا قاقپاشى» ءوز ايىپ الاڭىندا دوپتى قولمەن توقتاتار بولسا، ويىن جالعاسا بەرەدى. دەگەنمەن دوپ توقتاتىلعاندا، ەكەۋىنە دە ەسكەرتۋ قاعازى كورسەتىلەدى.
بۇرىشتاما كەزىندە قورعانۋشى جاقتىڭ ويىنشىسى بيىك سەكىرۋ ءۇشىن كوماندالاسىنىڭ كومەگىنە سۇيەنسە، سپورتتىق ەرەجەگە جات قىلىق كورسەتكەنى ءۇشىن ايىپ دوبى بەلگىلەنەدى.
فۋتبولشى اياق كيىمى شەشىلىپ قالىپ، ول كوماندالاسىنا پاس بەرگەن بولسا، ايىپ دوبى بەلگىلەنەدى.
دوپتى ويىنعا اۋتتان قوسقاندا دوپتى قارسىلاسىنا ادەيى لاقتىرسا، تورەشى ايىپ دوبىن بەلگىلەيدى دە، ويىنشىنى الاڭنان قۋادى.
اۋتتان قوسقان كەزدە ويىنشى دوپتى الاڭنىڭ ارعى جيەگىنە اسىرىپ جىبەرسە، دوپ قايتا اۋتتان لاقتىرىلادى.
بوس قاقپاعا شابۋىلشى دوپ تەپكەن ساتتە الاڭعا كورەرمەننىڭ ءبىرى جۇگىرىپ شىعىپ، ونى بوگەۋگە تىرىسسا، ءبىراق دوپ ءبارىبىر قاقپا تورىنان تابىلسا، مۇنداي جاعدايدا گول سانالمايدى. ال ەگەر دوپتىڭ باعىتىنا قوسالقى قۇرامداعى جاراقاتتانعان فۋتبولشىلاردىڭ ءبىرى توسقاۋىل بولۋعا تىرىسسا، گول سانالادى.
وفسايد جاساماق ويمەن قورعاۋشى الاڭ شەتىنە شىعىپ كەتكەن ساتتە، ويىننان تىس قالعان شابۋىلشى گول سوققان بولسا، بۇل گول سانالادى. ال قورعاۋشى ەسكەرتۋ قاعازىن الادى.
ءوز الاڭىندا ايىپ دوبىن ورىنداعان قورعاۋشى دوپتى قاقپاشىسىنا بەرگەن ساتتە، دوپ ءوز قاقپاسىنا كىرىپ كەتسە، گول سانالمايدى. شابۋىلداۋشى كوماندا بۇرىشتاما دوبىن ورىندايدى.
ايىپ دوبى كەزىندە تورەشى قولىن كوتەرۋدى ۇمىتىپ كەتسە، ال دوپ ەشكىمگە تيمەي، قاقپا تورىنان تابىلسا، گول سانالمايدى. ايىپ دوبى قايتا ورىندالادى.
نەگىزگى جانە قوسىمشا ۋاقىتتا «ا» كومانداسىنىڭ ءۇش ويىنشىسى الاڭنان قۋىلعان بولسا، ماتچ سوڭىنداعى پەنالتي كەزىندە «ب» كومانداسىنىڭ باپكەرى پەنالتيگە قاتىسپايتىن ءۇش ويىنشىسىن انىقتايدى.
massaget.kz
