ءتورت ەلدىڭ اسكەري قىزمەتشىلەرى لاڭكەستىككە قارسى وقۋ-جاتتىعۋ وپەراتسياسىن جۇرگىزدى
ساباقتار شۇباركول قالاسىنداعى رەسەي فەدەراتسياسى قارۋلى كۇشتەرى ورتالىق اسكەري وكرۋگىنىڭ 255- ءتورارالىق پوليگونىندا بەس كۇن بويى ءوتتى.
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
بىرىككەن شتابى باستىعىنىڭ باسشىلىق ەتۋىمەن جيىنعا قاتىسۋعا قازاقستان، قىرعىزستان، رەسەي، تاجىكستان، ارمەنيا جانە بەلارۋس ق ك- ءنىڭ وكىلدەرى، قازاقستان مەن رەسەي قورعانىس مينيسترلىكتەرىنىڭ جەتەكشى اسكەري ءبىلىم بەرۋ مەكەمەلەرىنىڭ وكىلدەرى، سونداي-اق ۇ ق ش ۇ بىرىككەن شتابىنىڭ لاۋازىمدى تۇلعالارى تارتىلدى.
قازاقستاندىق ارميادان ۇ ق ش ۇ- نىڭ بىرىككەن شتابىنداعى ق ر قارۋلى كۇشتەرىنىڭ تۇراقتى وكىلدەرى، اەروۇتقىر اسكەرلەرىنىڭ وفيتسەر-جەتەكشىلەرى جانە ەلباسى - ق ر تۇڭعىش پرەزيدەنتى اتىنداعى ۇلتتىق قورعانىس ۋنيۆەرسيتەتىنىڭ وكىلى قاتىستى.
شتابتىق جاتتىقتىرۋ بارىسىندا اسكەري قىزمەتشىلەر بىرلەسكەن لاڭكەستىككە قارسى وپەراتسياعا قاتىسۋعا تاپسىرما العان كەزدە اسكەري قىزمەتشىلەر قولباسشىلىق پەن شتابتىڭ جۇمىسىن ۇيىمداستىرۋ ماسەلەلەرىن پىسىقتادى.
ۇ ق ش ۇ بىرىككەن شتابىنىڭ باسشىلىعى قازاقستاندىق اسكەري قىزمەتشىلەردىڭ تەوريالىق جانە پراكتيكالىق دايىندىعىنىڭ جوعارى دەڭگەيىن اتاپ ءوتتى. سونىمەن قاتار، ۇ ق ش ۇ مۇشە مەملەكەتتەرىنىڭ اسكەري عىلىم وكىلدەرىنە ۇيىمنىڭ التى ەلىنىڭ ۇجىمدىق قاۋىپسىزدىگىن قامتاماسىز ەتۋ جونىندەگى عىلىمي-زەرتتەۋ جۇمىسىن جالعاستىرۋ تىلەگى ايتىلدى.
اتالعان جەدەل جيىندار 2015-جىلى ۇ ق ش ۇ- نىڭ ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىنىڭ قۇرالىمدارى مەن باسقارۋ ورگاندارىنىڭ بىرلەسكەن جەدەل جانە جاۋىنگەرلىك دايارلىق جالپى جۇيەسىندەگى سوڭعى ءىس-شارا بولعانىن ايتا كەتكەن ءجون.
