قازاقستاننىڭ ءبىلىم جانە عىلىم ءمينيسترى ءومىرى پارا الماعانىن ايتتى

استانا. قازاقپارات - ق ر ءبىلىم جانە عىلىم ءمينيسترى ءومىرى پارا الماعانىن ايتتى، - دەپ حابارلايدى «الماتى» تەلەارناسى.

تەلەارنانىڭ مالىمەتىنشە، ءبىلىم جانە عىلىم ءمينيسترى اسلان ءسارىنجىپوۆ «ءومىرى پارا الىپ كورمەدىم» دەپ اعىنان جارىلدى، ءبىراق ءبىر ايلىق تابىسىنىڭ كولەمىن اتاماۋدى ۇيعاردى.

«ءبىلىم سالاسىنىڭ تىزگىنىن ۇستاعان باس ۇستاز ءوز جالاقىسىن قۇپيا ۇستاۋدى ءجون سانايدى ەكەن. الايدا ءسوز اراسىندا «جالاقىم دەپۋتاتتاردان كەم ەمەس» دەپ قالدى. ياعني، كەمى جارتى ميلليون تەڭگە. بۇقارالىق اقپارات قۇرالدارىنا جارق ەتىپ شىعۋدان ءبىرىنشى ورىندا كەلە جاتقان مينيستر مىرزا ءوزىن ساقا ساياساتكەرلەر قاتارىنا جاتقىزبايدى. كەرىسىنشە، ول ءوزىن مەنەدجەرمىن دەپ تانىستىرادى»، - دەپ حابارلادى تەلەارنا.

ايتا كەتەيىك، ءسارىنجىپوۆ ەڭبەك دەمالىسىنا دا شىقپايتىنىن مالىمدەدى.